Түнде күн суытады, күндіз +20 градусқа дейін жылынады: Синоптиктер алдағы үш күнге ауа райы болжамын жариялады

"Қазгидрометтің” болжамына сәйкес, 27, 28 және 29 қазанда Қазақстанның басым бөлігінде жауын-шашын жаумайды, салыстырмалы түрде ауа райы жылы болады. Бұл туралы Stan.kz ақпарат агенттігі хабарлайды.

Астана мен Алматыда жауын-шашын күтілмейді. Күндіз ауа температурасы Астанада +10 градусқа, Алматыда +14 градусқа дейін көтеріледі. Түнде елдің барлық дерлік өңірінде ауа температурасы нөлден төмендейді. Ал күндіз солтүстік пен шығыста ауа райы +5…+10 градусқа дейін жылынады. Республиканың батысында +15…+20 градус, оңтүстігінде +12…+17 градус жылы болады.

27 қазанда Астанада ауа райы бұлтты, құбылмалы болады, бірақ жауын-шашын болмайды. Түнде және таңертең тұман түсуі мүмкін. Солтүстік бағыттан соғатын желдің жылдамдығы секундына 2-7 метр болады. Ауа температурасы түнде -1…-3 градус, күндіз +8…+10 градус болады.

28 қазанда да құбылмалы бұлтты ауа райы сақталады, жауын-шашын болмайды деген болжам бар. Түнде және таңертең тұман түсуі мүмкін. Батыстан, солтүстік-батыстан соғатын желдің жылдамдығы секундына 3-8 метр болады. Ауа температурасы түнде -1…-3 градус, күндіз +8…+10 градус болады.

29 қазанда да құбылмалы бұлтты ауа райы сақталып, жауын-шашын болжанбайды. Батыстан, солтүстік-батыстан соғатын желдің жылдамдығы секундына 5-10 метрге жетеді. Ауа температурасы түнде -1…-3 градус, күндіз +6…+8 градус болады.

Оқыңыз

Елдің кей аймақтарында алдағы күндері минус 7°С-қа дейін аяз болады Оқыңыз

27 қазанда құбылмалы Алматыда  ауа райы бұлтты болғанымен, жауын-шашын болмайды. Солтүстік-шығыстан соғатын желдің жылдамдығы секундына 3-8 метрге жетеді. Түнде 1-3 градусқа дейін үсік жүреді, күндіз ауа температурасы +11…+13 градусқа дейін көтеріледі.

28 және 29 қазанда құбылмалы бұлтты ауа райы сақталып, жауын-шашын болмайды. Солтүстік-шығыстан соғатын желдің жылдамдығы секундына 3–8 метр болады. Ауа температурасы түнде 0…+2 градус, күндіз +12…+14 градус болады.

Бұған дейін Шығыс Қазақстан облысының Риддер қаласында екінші күн қатарынан қар жауып, көшелерді қар басқаны туралы жазған едік. Ал Күршім ауданында қар құрсауында қалған жеті адамды құтқарушылар эвакуациялады.