"Комаға түсіп қалғанын білген жоқпыз": Бір топ өнер жұлдыздары Құрманай Бақтиярқызын ақтық сапарға шығарып салды

“Алматының түндері-ай”, “Толғанай”, “Вокзалда қауышқан қыз” атты әндердің сөзін жазған ақын Құрманай Бақтиярқызын бір топ шоу-бизнес өкілдері ақтық сапарға шығарып салды. Бұл туралы Stan.kz ақпарат агенттігі хабарлайды. 

Фото: https://www.instagram.com/kurmanai_bakhtiarkyzy/

Марқұм өнер иесі туған жері Қазығұрт ауданында жерленді. 

“Жүрген жерің мереке еді… Кең едің… Көпшіл едің… Бауырмашыл едің… Шынайы едің… "Құрекем менің, Құрекем! Құрекем қайда жүр екен?…" деп енді кімге айтам, Құрманайым. Неге ол жаққа ерте кетуге асықтың, Алтыным-ау! Әке-шешеңе, балаларыңа, туыстарыңа көңіл айтамын. Алдың пейіш, артың кеніш болсын! Бақұл бол, қазақтың Құрманайы!”, – деп жазды Нұрлан Албан. 

Одан кейін Алтынай Жорабаева туған күнін тойламай, құрбысын ақтық сапарға шығарып салуды жөн көрген. 

“Құрмашым менің! Сол кезде Алланың қалауымен, бүкіл халықтың дұғасымен бас көтеріп, қайтадан ортамызға оралып едің. Осы жолы комаға түсіп қалғаныңды байқамай қалдық. Алланың қалауы болды. Туған күніме қарамастан, өзіңмен қоштасуға жол тарттым”, – деп жазды өнер иесі. 

• "Орамалды қылғынып таға алмаймын": Сазгер Құрманай Бақтиярқызы имиджін өзгертті

• "20 күн ес-түссіз жаттым": Құрманай Бақтиярқызы қандай сырқатқа шалдыққанын айтты

Одан кейін Мақпал Жүнісова марқұмның соңғы хатын да жариялап, соңғы көрген сәтінен видео жариялады. 

“Концерт болмайды. Мақтадайым сол менің, біріншіден сізсіз ешнәрсе қызық емес, екіншіден қайырымдылық концерт дегені ұнамады. Үшіншіден шаршап қаламын, алда бес сағаттық ота күтіп тұр, дәрігерлер ұрысты. Жазылып алған соң сізбен дуэт айтамын, бұйырса, – деп жазған Құрманай Бақтиярқызы халық әртісіне. 

Еске салайық, марқұм Құрманай Бақтиярқызының өмірінің соңғы сәтіндегі видеосы желіге тараған еді.