Дмитрий Бивол: Канело аңыз адам болып қала береді, мен оны құрметтеймін

WBA тұжырымы бойынша жартылай ауыр салмақтағы әлем чемпионы, ресейлік спортшы Дмитрий Бивол мексикалық Сауль Альваресті қолдады.

Ресейлік боксшы "Канело" әлі де әлемдегі ең үздік боксшылардың бірі екенін айтты.

"Мен әлемнің ең үздік боксшысын жеңдім, бірақ P4P рейтингінде (салмақ дәрежесіне қарамастан үздіктер рейтингі) оның орнын ала алмаған сияқтымын. Түйіндемеде жақсы есімдер көбірек болуы керек. Канелоның әлі де төрт белбеу бар және ол төрт салмақ дәрежесінде чемпион. Ол керемет күрескер. Ол аңызға айналған. Қазір жек көретіндер оны теріске шығарады, бірақ ол бәрібір үздіктердің бірі. Мен оны құрметтеймін", - деді Бивол DAZN Boxing басылымына берген сұхбатында.

Еске салайық, 7 мамырда Лас-Вегаста (Невада, АҚШ) Дмитрий Бивол Сауль Альваресті сенсациялық түрде жеңіп, оны мансабындағы екінші жеңілісіне ұшыраған болатын.

• "Вегасқа баратын жол бар": Ресейлік боксшы Дмитрий Бивол Данияр Елеусіновке видео үндеу жолдады

• "Мен "Канелоны" екі жекпе-жекте де айқын басымдықпен жеңдім": Головкин кәсіпқой бокс туралы шындықпен бөлісті