Балаларды Испанияның футбол турниріне апарам деп сан соқтырған алаяққа үкім шықты
Астанада балаларды Испаниядағы футбол турниріне апарам деп сылтау еткен алаяққа сот үкім шығарды. Бұл туралы Stan.kz ақпараттық агенттігі хабарлайды.
Астана қаласының прокуратурасының мәліметінше, Сотталған адам ата-аналарды жас футболшылардың Испанияға "барлығы қамтылған" тарифі бойынша сапары ұйымдастырылатынын айтып, сенімдеріне кірген. Турнирге қатысу ақысын, әуе билеттерін, визалық қызметтерді, балаларды алып жүру және спорттық киім сатып алу шығындарын төлеу деген түрлі сылтаулармен ата-анадан қаншама қаражат алған. Алайда сот кезінде ол ақшаны өз керегіне жаратылған әшкереленді.
“9 жәбірленушілерге келтірілген материалдық залалдың жалпы сомасы 24 млн теңгеден асты”, – деп мәлімдеді Астана қаласының прокуратурасы.
Сот үкімімен ер адам 3 жыл 2 ай бас бостандығынан айырылды. Ал 24 млн теңге сотталушыдан өндіріліп алатын болды. Астана прокуратурасы балалардың шетелдегі спорттық жарыстарға сапарын ұйымдастыру кезінде ұйымдастырушылардың өкілеттіктерін, турнирге ресми шақырудың, тиісті шарттардың, әуе билеттерінің және брондауды растайтын құжаттардың бар-жоғын мұқият тексеру қажет екенін ескертті.
Еске сала кетейік, Атырауда "Абырой Авто" автосалонының екі басшысы алаяқтық жасағаны үшін алты жарым жылға бас бостандығынан айырылды. Сондай-ақ сотталғандар жәбірленушілерге 1 миллиард 147,8 миллион теңге көлеміндегі шығынды өтеуге міндеттелді.
