Жамбыл облысындағы жарылыстан кейін төтенше жағдай жарияланды
Жамбыл облысының әкімдігі 26 тамызда жарылыс болған Байзақ ауданында төтенше жағдай жариялады, деп хабарлайды Stan.kz ақпарат агенттігі.
"Жамбыл облысы Байзақ ауданы аумағында жергілікті масштабтағы техногендік сипаттағы төтенше жағдай жариялансын", – делінген "Әділет" ҰАҚ сайтында жарияланған құжат мәтінінде.
Жамбыл облысы әкімі тиісті шешімге 28 тамызда қол қойды.
Естеріңізге сала кетейік, 26 тамызда әскери бөлімнің қоймалары аумағында жарылыс болған.
Тоқаев жарылыстардан кейін Қорғаныс министрлігі басшысының отставкасын қабылдады. Төтенше жағдай салдарынан 15 адам қаза тапты, 100-ге жуық адам жарақат алды.
Талқылау