"Ұмай" ипотекасына өтінім қабылдау басталған күні тоқтап қалды
"Ұмай" бағдарламасы бойынша әйелдерге арналған жеңілдетілген ипотекаға өтінім қабылдау бүгін басталып, бірнеше сағаттан кейін тоқтатылды. "Отбасы банк" алғашқы 9 миллиард теңгелік қаржыға бөлінген лимиттің сағат 16:00-де таусылғанын хабарлады. Бұл туралы Stan.kz ақпарат агенттігі хабарлайды.
Әйелдерге арналған жеңілдетілген "Ұмай" ипотекасына өтінім қабылдау 31 тамызда басталды. Бағдарлама Азия даму банкінің қаржысы есебінен жүзеге асырылады. Қаражат бірнеше траншпен бөлінеді. Алғашқы траншқа 9 миллиард теңге қарастырылған.
Алайда ипотекаға сұраныс жоғары болып, бұл қаржы бір күнге жетпей таусылды. "Отбасы банк" мәліметінше, сағат 16:00-ге қарай алғашқы транштың лимиті толық игерілген.
Қазір банк Азия даму банкімен келісіп, келесі траншты жоспардан бұрын алудың мүмкіндігін қарастырып жатыр. Жалпы "Ұмай" және "Жасыл ипотека" бағдарламаларына 90 миллиард теңге тарту жоспарланған. Келесі транш бойынша өтінім қабылдау қашан қайта басталатыны әзірге белгісіз.
"Қырғызстан өзі алға шығу үшін осылай жасады": Сарапшылар көшпенділер ойыны нәтижесіне қатысты пікір білдірді
Қырғызстан тарапы медаль есебін басқаша жүргізген
Қазақстандықтар 3600 орындық елордалық стадион мен "Бішкек Аренаның" қаражатын салыстырды
Стадион құрылысының құны – ҚҚС-ты қоса есептегенде 16,7 миллиард теңге