Түркістан облысында 4 көлік соғылып, жол апатынан 15 адам зиян шекті
Түркістан облысында тасжолда төрт автокөлік соқтығысып қалды, деп хабарлайды Stan.kz ақпарат агенттігі.
Дәл қазір оқиға орнында Түркістан облысы полиция департаментінің жедел-тексеру тобы жұмыс істеп жатыр. Осы орайда, аталған өңірдің полициясы жүргізушілерге жол ережесін сақтауға кеңес берді.
Түркістан облыстық денсаулық сақтау басқармасының мәліметінше, жол апаты салдарынан 15 адам зиян шеккен.
«Аудандық Қазығұрт ауруханасына 14 адам жеткізілді. Бір адам үйіне қайтарылды. Жеті адам ауыр халде, жансақтау бөліміне жеткізілді. Үш адам травматология бөлімінде. Сондай-ақ, төртеуі келіп ем қабылдауы үшін үйіне жіберілді. Облыстық аурухананың нейрохирургтері санавиациямен жеткізілді. Бір науқасқа ота жасалып жатыр, екіншісін де ота жасауға дайындауда», - деді денсаулық сақтау басқармасындағылар.
11 миллион теңгеге дейін: Қазақстандықтар пәтер жөндеуге қанша жұмсайтынын айтты
Алғашқы баспанасын қара сылақ күйінде сатып алған 25 жастағы Нұрсұлтан жөндеу жұмыстарына өзі араласқан
Қазақстандықтар туған күніне орай банктер, дүкендер мен брендтерден қандай сыйлықтар алады
Бүгінде нарықтағы бірқатар компаниялар туған күніне орай нақты бонустар есептейді