Түркияда жол апатынан 27 жастағы турист жігіт қаза тапты
Түркияның Анталья қаласында жол апатынан 27 жастағы Кубат Аманбеков есімді жігіт қаза тапты. Ол Серик ауданындағы бес жұлдызды қонақүйде бармен болып жұмыс істеген. Бұл туралы Stan.kz ақпарат агенттігі IHA порталына сілтеме жасап хабарлайды.
Қайғылы оқиға түнде Белек курорттық ауданындағы Барыш көшесінде болған.
Жергілікті БАҚ мәліметінше, 43 жастағы жүргізуші басқарған 07 Т 2557 нөмірлі коммерциялық такси қазақстандық мінген велосипедпен соқтығысқан.
Соққыдан жігіт жолға ұшып кеткен. Оқиға куәгерлері жедел жәрдем мен полиция шақырған. Дәрігерлер келген кезде Кубат Аманбековтің қаза тапқанын анықтаған.
ОқыңызМарқұмның денесі тексеруден кейін Серик мемлекеттік ауруханасының мәйітханасына жеткізілді. Такси жүргізушісі ұсталып, полиция бөлімшесіне жеткізілген.
Апаттан кейін полиция оқиға орнын қоршап, тергеу жұмыстарын бастады. Түркия құқық қорғау органдары жол апатының мән-жайын, соның ішінде жылдамдықты асыру және басқа да заңбұзушылықтардың болған-болмағанын анықтап жатыр.
Басында бұл жігіттің қазақстандық екені айтылған еді. Алайда кейін Сыртқы істер министрлігі оның Қырғызстан азаматы екенін хабарлады.
Мамандар шәйнектегі қақ пен су сапасының байланысын түсіндірді: Шөгінділерге алаңдамауға кеңес берілді
