“Феникс” фильміне бөлініп, жымқырылды делінген ақшаны актердің қайтарып бергені туралы коррупцияға қарсы күрес және мемлекетті қызмет істері агенттігінің төрағасы Қайрат Қожамжаров мәлім етіпті.

Бұдан бұрын Жаманқұловтың жартылай өтемақы төлегені айтылған еді, актердің тұлғасы, жасы мен мүлкін кепілге бергені ескеріліп, оған қатысты «кепіл» бұлтартпау шарасы таңдалынған.

“Бүгінгі күнге алты миллион теңгені қайтарды. Ол “Қазақфильм” алдындағы барлық қарызды қайтаратынын айтып, сол міндеттемені өз мойнына алды”, – деді Қожамжаров парламенттің төменгі палатасының пленарлық отырысында.

Еске сала кетсек, Тұңғышбай Жаманқұлов “Феникс” фильмін түсіруге бөлінген қаражаттың 69 миллион теңгесін жымқырды деген күдікпен 2 қараша күні ұсталған болатын. Актер өз кінәсін толықтай мойындап, кеткен шығынды өтеуге уәде еткен. Осының алдында ол президентке видео үндеу жолдап, араша түсуін сұраған еді. Жаманқұлов ақша жымқыру дерегін және оның өз жеке басына жұмсалғанын мойындаған. Сондай-ақ, ол өзін қылмыстық жауапкершіліктен босату туралы өтініш те түсірген. Актердің өтініші ол шығынды толықтай өтеп біткеннен кейін қарастырылады.

Оқи отырыңыз:

Көкшетауда екі аспаз асханада тұрып марихуана сатумен айналысқан

Келешек мамандықтары: жұмыссыз қалмас үшін қандай мамандық таңдау керек?

Құран оқитын қалам: сандық технологиялардың құлшылық атқаруда көмегі қандай

Күйеуі әйелінің көзіне шөп салғанын квадрокоптердің көмегімен біліп қойған (видео)

Талқылау