"Терезе арқылы қашқан": Қорғаныс министрлігі әскерден қорыққан студенттердің видеосына қатысты пікір білдірді (видео)
Әскерден қашқан студенттердің видеосына қатысты Қорғаныс министрлігі түсініктеме берді. Әскери комиссариат қызметкерлерінің айтуынша, бұл видео 10 күн бұрын түсірілген, деп хабарлайды Stan.kz ақпарат агенттігі "Qazaqstan" Ұлттық телеарнасына сілтеме жасап.
Видеодан колледж студенттерінің терезе арқылы қашып жатқанын көруге болады. Дәл сол күні студенттерге диплом табысталған екен. Алайда көңілді кешті әскери комиссариат қызметкерлері бұзған.
Министрліктің хабарлауынша, оларды ешкім күштеп әскерге әкетпейді. Ал бұл күні балаларды медициналық тексеруге апару көзделген екен.
"Әскерде қызмет ету – әрбір азаматтың борышы. Шақырту қағазын алғандар әскери комиссариатқа келу міндетті. Жалтарғандарға жауапкершілік қарастырылған", – делінген министрлік хабарламасында.
"Әскерден келген соң үйленеміз деп еді": Каспийде қаза тапқан сарбаздардың жақындары жанайқайын жеткізді
Жанардың айтуынша, отбасы Олжасты қуанышпен күтіп отырған
"Алдымен үйленейік, кейін Сирияға барайық": Бейтаныс адамдар әлеуметтік желі арқылы қазақстандықтарды қалай арбайды
Әлеуметтік желіде ер адамға Сирияға барып соғысуды ұсынған