Шымкентте балабақша меңгерушілері 45,7 миллион теңге ұрлады деген күдікке ілінді

Қаржы мониторингі агенттігінің Шымкент қаласы бойынша аумақтық департаменті бюджет қаражатын жымқырды деген күдікпен балабақша меңгерушілеріне қатысты сотқа дейінгі тергеп-тексеруді бастады, деп хабарлайды Stan.kz ақпарат агенттігі.

Мектепке дейінгі мекеменің басшылары 2019-2021 жылдары мектепке дейінгі ұйымдардағы балалардың сабаққа қатысу есебіне дұрыс емес мәліметтер енгізген. Сондай-ақ мектепке дейінгі білім беруді жан басына шаққандағы қаржыландыруға "Балапан" бағдарламасы бойынша бөлінген жалпы сомасы 45,7 млн ​​теңге бюджет қаражатын заңсыз жымқырған.

• 1 миллиард теңге шығын келтірген: Таразда ерлі-зайыптылар ұйымдасқан қылмыстық топты басқарған

• Алматыда 14 мың үй заңсыз салынған – Индустрия министрі

Қазір бұл іс бойынша сотқа дейінгі тергеу амалдары жүргізілуде. Қазақстан Республикасы Қылмыстық-процестік кодексінің 201-бабына сәйкес өзге мәліметтер жария етілуге ​​жатпайды.