Шығыс Қазақстанда Ленин ескерткішінің құлауына байланысты тергеу басталды
Шығыс Қазақстан облысы Алтай қаласында Ленин ескерткішінің құлауына байланысты сотқа дейінгі тергеу жүріп жатыр. Бұл туралы Stan.kz ақпарат агенттігі хабарлайды.
"Аталған факті бойынша ҚР Қылмыстық кодексінің 203-бабының 1-бөлігі бойынша сотқа дейінгі тергеу басталды", - деп мәлімдеді полиция департаментінің баспасөз қызметі.
Айта кетейік, әлеуметтік желіде Владимир Ильич Лениннің құрметіне орай құрылған ескерткіштің құлаған видеосы тарады.
Қаладағы орталық алаңында 15 тамыздан бері қайта жаңғырту жұмыстары жүріп жатыр. Жобаға Ленин ескерткіші тұғырының гранит плиталарын қалпына келтіру жұмыстары да енгізілген.
Мердігердің айтуынша, ол мүсінге зақым келтірмеу үшін қайта құру кезінде оны алып тастауды ұсынған. Алайда жұмыс барысында ескерткішті байқаусызда құлатып алған.
Құлап кеткен мүсінді мердігерлер өз қаражатына қайта қалпына келтіреміз деп отыр.
Қазақстандық әйел топтық зорлаудан кейін 17 жасында бала туған: Ол америкалық ата-ана асырап алған қызын іздеп жүр
Кезінде топтық зорлыққа ұшыраған Наталья Қалымбетова 30 жылдан кейін жан сырын ақтарды
Қазақстандыққа Қытайда адам өліміне кінәлі деген айып тағылды: Күдіктінің өзі шабуыл жасағандардан қорғанғанын айтып отыр
Отбасы: "Қазақ қызының намысын қорғау үшін басталған оқиға адам өлімімен аяқталып отыр"