Қарттар үйіндегі зейнеткерлердің зейнетақысы қысқартылады: Қазақстанның Еңбек министрлігі жаңа бұйрық шығарды

Еңбек және халықты әлеуметтік қорғау министрлігі толық мемлекет қамтамасыз ететін қазақстандықтарға зейнетақының 70 пайызын төлеу тоқтатылуы туралы жоба әзірледі. Бұл туралы Stan.kz ақпарат агенттігі хабарлайды.

TengriNews-тың мәліметінше, сондай-ақ қылмыстық-атқару жүйесі мекемелеріндегі колонияларда жазасын өтеп жатқан адамдардың зейнетақысы уақытша қысқартылады. 

“Әлеуметтік әділеттілікті қамтамасыз ету және аталған санаттағы адамдарды әлеуметтік қамсыздандыруға және зейнетақы төлеуге қосарлы қаржыландыруды болдырмау мақсатында зейнетақының 70 пайызын төлеуді тоқтата тұру ұсынылады. Қылмыстық-атқару жүйесі мекемелеріндегі зейнетақы алушыларды толық мемлекет қамтамасыз етеді," – деп жазылған құжатта.

Толық мемлекет қамсыздандыратын қарт адамдарға және мүгедектігі бар адамдарға зейнетақы келесі басқаша жолмен төленеді. Олар:

• егер есептелген зейнетақы ең төменгі мөлшерден төмен болса, онда заңда көзделген мөлшерде сома төленеді;

• басқа жағдайларда адамға тағайындалған зейнетақының 30%-ы төленеді, бірақ бұл сома ең төменгі зейнетақы мөлшерінен кем болмауы тиіс;

• қалған 70%-ы орталықтың арнайы шотына аударылады. Бұл қаражатты орталық уәкілетті мемлекеттік орган белгілеген тәртіппен пайдаланады. Әдетте оған тамақ, киім-кешек және басқа да қажетті шығындар жатады.

Оқыңыз

2027 жылдан бастап зейнетақы жүйесінде не өзгереді: Министрлік мәлімдеме жасады Оқыңыз

Адамның осындай қылмыстық-атқару жүйесінде тұрған уақытында төлем тоқтатылады. Одан шыққаннан кейін базалық төлем мен зейнетақы келесі айдың бірінші күнінен бастап толық көлемде қалпына келтіріледі. Зейнетақы мен базалық төлемді нотариалды куәландырылған сенімхат бойынша өкіл арқылы да алуға болады.

Еске сала кетейік, бұған дейін Қазақстанда зейнеткерлерге қандай жеңілдіктер мен әлеуметтік көмек берілетіні жайлы жазған едік.