Президент зейнетақы қорындағы қаржыны инвестициялауды тапсырды

Қазақстандықтардың  зейнетақы қорындағы жинаған қаржылары бірқатар аса маңызды жобаларды қаржыландыруға жұмсалмақшы.

Бұл туралы Қазақстан жаңалықтары хабарлайды.

Қазақстан Президенті Нұрсұлтан Назарбаев 2016 жылы барлығы 1 трлн. 450 млрд. теңге еркін зейнетақы жинақтарын бірқатар бағыттарға инвестициялауды тапсырды.

«2016 жылы еркін зейнетақы жинақтарындағы  1 трлн. 450 млрд. теңге шамасындағы қаржыны  бірқатар ірі жобаларды қаржыландыруға бөлуді тапсырамын»,- деп хабарлайды президент баспасөз қызметі Twitte желісіндегі парақшасында.

Президент бұған дейін 30-шы қарашадағы халыққа жолдауында зейнетақы қорындағы қаржыны бизнесті қолдап-несиелеуге  жұмсауды доғаруды бұйырып еді. Назарбаев зенетақы қорындағы қаржы бюджеттегі жинақтың орнын толтыру үшін ғана пайдаланылады деген еді.

2016 жылдың басындағы есеп бойынша «БЖЗҚ» АҚ  қаржы 5,828 триллион теңге.