Полиция басшысы Данияр Мейірхан сотқа 40 млн теңге кепіл беріп, босап шықты

Түркістан облысы Түлкібас ауданы полициясының басшысы Данияр Мейірхан кепілдік қойып, босап шықты. Бұл туралы Мейірханның адвокаты Шімірбай Ағабеков Tengrinews тілшісіне айтты, деп хабарлайды Stan.kz ақпарат агенттігі.

Бұған дейін белгілі болғандай, Данияр Мейірхан автосалонға қатысты алаяқтық жасады деп күдікке ілінген.

"Сот шешімімен бірге кепіл сомасын белгіледі. Ол кепілмен босады", - деді оның заңгері.

Шымкент қалалық тергеу соты күдіктіге қатысты 40 миллион теңге көлемінде кепіл мөлшері белгіленгенін мәлімдеді.

"Түлкібас ауданы полициясының басшысына қатысты тергеу органдары қамауға алу туралы өтініш берді. Сот бұл өтінішті қанағаттандырып, қамауға алу туралы санкция шығарды. Сонымен бірге, ҚР қылмыстық іс жүргізу кодексінің 148-бабының 8-бөлігінің талаптарына сәйкес сот кепілдің мөлшерін белгілеуге міндетті. Сот 40 миллион теңге көлемінде кепіл мөлшерін бекітті", – деді Шымкент қалалық тергеу соты. 

Сот сондай-ақ Данияр Мейірхан белгіленген қаражатты тауып, оны төлесе, тергеу оны кепілмен босату қажет екенін жеткізген.

Соттың мәліметінше, Данияр Мейірхан ҚР қылмыстық кодексінің 190-бабы 4-бөлігінің 2-тармағы бойынша аса ірі көлемде алаяқтық жасады деген күдікке ілініп отыр.

Vera.kz сайтының жазуынша, әлеуметтік желілерде бұдан алдын тараған ақпаратқа сәйкес, Мейірханның ұсталып, содан кейін қамауға алынуына автосалон өкілінің арызы негіз болған. Онда полиция басшысы KIA Sorento автокөлігін Э.М. есімді досының атына жазып, сатып алған, бірақ қалған сомасын төлемегені айтылады.

• Нөмірдің орнына, ASANALI деп жазылған: Полиция Қызылордада видеоға түсіп қалған көлікке қатысты пікір білдірді


• Қазақстанда екі полиция басшысы сотталды

Тергеушілердің мәліметінше, полицей өзінің таныстығы мен автосалон басшылығымен байланысын пайдаланып, жаңа көлікті сатып алып, бірақ ақшасын төлегісі келмеген. Полицейдің адвокаттары соттың назарын тергеу органының қылмыстық іс жүргізу заңнамасының нормалары мен сотқа дейінгі тергеп-тексеру барысында орын алған заң бұзушылықтарға аударғысы келеді. Алайда сот қорғаушылардың уәждерін ескерусіз қалдырды.

Данияр Мейірханның заңгері Әлия Жаманбаеваның Шымкент қаласының қылмыстық істер жөніндегі сот алқасына жазған жеке шағымынан үзінді:

"Біріншіден, мұның Мейірханға қатысты тапсырыспен, қолдан жасалған іс екенін аңғару қиын емес. Өйткені бапты бұза отырып сот жарамсыз деп танымаған азаматтық-құқықтық қатынастардан ҚР қылмыстық-процестік кодексi бойынша 179 бабы заңды тұлғаның "ОҢТҮСТІК" ДЦГ" ЖШС өтініші 2022 жылғы 22 сәуірде сағат 15:31-де Сотқа дейінгі тергеулердің № 227969031000046 бірыңғай тізіміне енгізілген. Ал Мейірхан Д.М-ның қамауға алынуы сағат 15:00-де мұндай күрделі мәселені қозғау үшін жеткілікті негіздер анықталмай және жиналмай тұрып орын алған. 

ҚР жоғары сотының нормативтік қаулысының 13-тармағына сәйкес № 1 24.01.2020 жылғы "Бұлтартпау шараларына санкция берудің кейбір мәселелері туралы" ҚР қылмыстық-процестік кодексінің 48-бабының бесінші бөлігінің талаптарына сәйкес қамауда ұстау мерзімі іс жүзінде ұсталған кезден бастап есептеледі, осыған байланысты санкция беру туралы қаулы шығарылған, ал қамауға алу түріндегі бұлтартпау шарасы міндетті түрде көрсетілуі тиіс: минутына дейінгі дәлдікпен осы кезеңді есептеуді бастау; бұлтартпау шарасы туралы санкция шыққан мерзім; осы кезеңнің аяқталу уақытын минутына дейін дәл есептеу.

2022 жылғы 22 сәуірдегі қамауға алу хаттамасынан Мейірхан Д.-ны жеткізу уақыты сағат 15:00 деп белгіленген, онда оның ғимарат ішінде өз бетімен қозғала алмайтыны және ұсталғанын куәландыратыны айтылған.

Осылайша, сот 22.04.2022 жылы сағат 15:35-тен 02.05.2022 жылы сағат 15:35-ке дейінгі мерзімге заңсыз санкция шығарған, бұл ретте Мейірхан Д-ның Шымкент қаласы полиция департаментіне жеткізілуі сағат 15.00-де болған.

2) Соттың назарын Мейірхан Д.-ның кінәсі толық дәлелденбегеніне және оның әрекеті ҚР қылмыстық кодексінің 389 бабына сәйкес келмейтініне аударғымыз келеді.

2022 жылдың 22 сәуірінде Мейірхана Д. Шымкент қалалық ішкі қауіпсіздік басқармасына жеткізілді, себебі оның үстінен 21 990 000 теңге тұратын 2022 жылғы "KIA Sorento" маркалы автокөлігін озбырлық жасау фактісі бойынша алғаны туралы арыз түскен. Бірақ сотта Мейірханның талап қою бағасы 19 890 000 теңгені сатып алу-сату шарты бойынша 20% бастапқы жарна төлеуге сәйкес келмейтінін, яғни 3 778 000 теңге, міндеттемелерді толық орындамаған жағдайда 3 пайыздық индекстеу дауы және қарыз қалдығы 15 112 000 теңгені құрайтынын айтып, түсіндірген сөздерін ешкім тыңдамады.

Бұдан бөлек сол күні ЖШС-нің есеп айырысу шотына 16 000 000 теңге түскендіктен, қылмыстық іс қозғауға және оны қамауға негіз болмаған. Демек ҚР қылмыстық істі жүргізу кодексінің 136 бетіне сәйкес, алдын алу шараларын қолдануға негіз болмаған".

• Түркістан облысында тонау фактілерін видеоға түсіріп алған шекарашыны жұмыстан қуып, соққыға жыққан


• Пара беруге мәжбүрлеген: Атырау облыстық көші-қон қызметінің басшысы ұсталды

Ал көлік сатып алудың соңы осылай аяқталғанына тағы бір саудаға қатысушысы таң қалады. Эльмира туралы желіде тараған құжаттарда көлікті Мейірханның атына аударып берген адам туралы жазылады.

"Қаңтар айының басында көлік сатып алғым келіп, оны таңдауға көмектесу үшін Даниярдан көмек сұрадым. Біз автосалонға бардық, мен сол жерден "KIA Sorentо" көлігін алдым және біз 20% бастапқы жарна төледік. Ал салон менеджері бізге бұдан да мықтырақ көлікті көрсетіп, соны ұсынды. Содан олар екінші көлікке де депозит төлеуіміз қажеттігін жеткізді, көлікті қайта рәсімдейтіндерін айтып, бір көлікті қалдырып кетесіздер деді. Біз екінші көлікті де рәсімдеп, 20% бастапқы жарнаны төледік. Содан біз бір көлікті алайын деген едік, бізге екіншісінен бас тарта алмайсыз, екеуін де алу қажет деген жауап айтты. Мен өз қаржылық жағдайымды түсініп, Даниярдан екінші көлікті өз атына рәсімдеуді өтіндім. Ол маған көмектескісі келгендіктен ғана келісті. Мен оның атына екінші көлікті рәсімдеп, біріншісі өзімде қалды. Ол жерде айырмашылық шамамен 1 миллион 200 мың болды. Ол өз атына несие рәсімдеп, автосалонға төлеуге барғанда ақшасын қабылдаудан бас тартқан. Қандай себеппен бас тартқанынан хабарсызбын",  – дейді Эльмира.

Еске салайық, Данияр Мейірхан 22 сәуір күні ұсталған.