Петропавлда әйелін өлтіріп, денесін орманға апарып жасырған ер адам 10 жарым жылға сотталды
Петропавлда әйелін пышақтап өлтіріп, денесін орманға апарып жасырған ер адамға сот үкімі шықты. Ол он жарым жылға бас бостандығынан айырылды. Бұл туралы Stan.kz ақпарат агенттігі хабарлайды.
Ал ауыр қылмыстың ізін жасыруға көмектескен оның немере інісі бір жарым жылға сотталды.
Оқиға өткен жылы 13 шілде күні Петропавлда болған. Ер адам әйелімен жанжалдасып, оны үй маңындағы орманға апарған. Сол жерде ас үй пышағын әйеліне бірнеше рет сұғып, кейін денені жасыру үшін көмекке немере інісін шақырған. Күрек ала келуін өтінген. Кейін екеуі денені жыраға тастап, үстін топырақ, жапырақпен жауып кеткен.
Олар кінәні толық мойындады, олардың қылмысы сараптама қорытындысымен, айғақ заттармен және басқа да іс материалдарымен толық дәлелденді.
Қылмыстық іс бүгін СҚО қылмыстық істер бойынша мамандандырылған ауданаралық сотта қаралды. Сот үкімі әлі заңды күшіне енген жоқ.
"Су тапшылығы болып, қала демала алмай қалады": Экологтар Көкжайлауда 650 миллиардқа салынатын тау кластері құрылысын тоқтатуды талап етті
Сөздерінше, құрылыс мұзды аймақтарға тікелей жақын орналасқан 3880 метр биікке салынады
2,8 шақырымға 4 миллиард теңге жұмсалған: Жетісу облысындағы сарқырамаға апаратын жолдың құрылысы әлі бітпей тұр
Сарқырамаға апаратын жол 2027 жылы қолданысқа берілмек