Теміртауда автобус жүргізушісі рөлде есінен таннып қалған: 15 жолаушысы бар көлік ағашқа соғылып, бір адам қаза тапты
Қарағанды облысының Теміртау қаласында жүргізушісі рөлде отырып есінен танып қалған жолаушылар автобусы ағашқа соғылды. 64 жастағы ер адам оқиға орнында көз жұмды. Апат кезінде автобуста 15-ке жуық жолаушы болған. Бұл туралы Stan.kz ақпарат агенттігі хабарлайды.
Полицияның мәліметінше, жол апаты 14 қараша күні сағат 10:30 шамасында болған. Алдын ала деректерге сүйенсек, Yutong маркалы автобусты жүргізіп келе жатқан ер адамның кенеттен жағдайы нашарлап, есінен танып қалған.
Осыдан кейін автобус қозғалысын жалғастырып, ағашқа соғылған. Апат салдарынан 64 жастағы жүргізуші оқиға орнында қайтыс болды.
Оқиға кезінде автобустың ішінде шамамен 15 жолаушы болған. Олардың ешқайсысы зардап шеккен жоқ.
Аталған дерек полицияда тіркелді. Қазір оқиғаның барлық мән-жайы анықталып жатыр.
Еске салсақ, бұған дейін Астанада автобус жаяу жүргіншіні қағып кетіп, төрт адам ауруханаға түскен еді.
Аспаннан ақша шашылса немесе көшеден ақша тауып алсаңыз, оны бірден иемденуге бола ма
Заңгер табылған ақшаны ешкімге хабарламай алып кету заңды әрекет емес екенін айтады
Қазақстанда рейс кешіксе, жолаушы не істеуі керек және өтемақыны қалай алады
Рейс 5 сағаттан астам кешіккен жағдайда жолаушы ұшудан бас тартып, билет құнын толық қайтаруды талап ете алады