Павлодар облысында адамдарымен бірге жер астына түсіп кеткен автобус әлі табылмай жатыр
Павлодар облысында "Майкайнзолото" АҚ шахтасында адамдармен бірге шұңқырға құлап кеткен автобусты іздестіру жұмыстары жалғасуда. Бұл туралы Stan.kz ақпарат агенттігі хабарлайды.
Құтқару жұмыстары 4 қаңтарға қараған түні басталып, әлі де жалғасуда. Ресми мәлімет бойынша, жұмыс жердің опырылу қаупіне байланысты қиындап, барлық қажетті қауіпсіздік шаралары сақталып жүргізілуде. Бұл туралы Павлодар облысының әкімі Асайн Байханов мәлімдеді.
“4 қаңтар түнгі сағат 01:25 шамасында "Майқайыңзолото" АҚ-ның шахтасының маңында жолаушылары бар автобус тазарту кеңістігіне құлады. Құтқарушылар оқиға орнына сағат үштер шамасында жеткен. Топырақтың құлау қаупіне байланысты жұмыстар күрделене түсуде. Сондықтан біз тартылған құтқару қызметінің қауіпсіздігін қамтамасыз ету шараларын қабылдап жатырмыз”, – деді Павлодар облысының әкімі.
Ол автобуста 4 адам - Кәсіби әскерилендірілген авариялық-құтқару қызметтерінің республикалық орталық штабының Павлодар филиалының қызметкерлері болғанын (3 құтқарушы, 1 жүргізуші) қосып өтті.
- Алматы әуежайының бұрынғы басшысы 8 жылға бас бостандығынан айырылды
- Талдықорғанда полицей "әкім орынбасарының әйелімен" болған оқиғадан кейін қызметінен қуылды
“Екі құтқарушының денесі табылды-Сарқыт Берліқан, 23.10.1999 ж. т. және Олег Тышкевич, 18.09.1970 ж. т. тағы екі құтқарушыны іздеу жалғасуда. Басқа зардап шеккендер жоқ. Оқиғаның себептерін ҚР ТЖМ өнеркәсіптік қауіпсіздік комитетінің төрағалығымен арнайы құрылған комиссия анықтайды”, – деді Асайн Байханов.
Облыстық төтенше жағдайлар қызметі баспасөз қызметінің мәліметінше, опырылған жердің алдын ала ұзындығы 150-200 метр, ені 500 метр, опырылған жердің тереңдігі 150 метр. Сондай-ақ басқарма адамдар мен автобусты іздестіру жұмыстары топырақ пен тастардың опырылуына, сондай-ақ опырылған жердің тереңдігіне байланысты қиындап жатқанын растады.
“Оқиға орнына тартылған құтқарушылардың өміріне төнген қауіпті жою үшін опырылған жердің шеттерін тазарту және нығайту шаралары жүргізілді. Төтенше жағдайлар қызметінің құтқарушылары қаза тапқан екі адамның денесін тауып, жер бетіне алып шықты”, – деді аталған ведомстваның баспасөз қызметі.
Авариялық-құтқару жұмыстарына "Майкайнзолото" АҚ кәсіби әскерилендірілген авариялық-құтқару жұмыстары қызметінің Павлодар филиалының, жергілікті атқарушы органдардың күштері мен құралдары, сондай-ақ ТЖД құтқарушылары жұмылдырылған. Барлығы 44 адам, 13 техника және бір ұшқышсыз ұшу аппараты (дрон) жұмылдырылған.
Еске салайық, бұған дейін Павлодар облысындағы Майқайың кеніші маңында құтқарушылар мінген автобус шұңқырға түсіп кеткені хабарланған. Кейін екі адамның қаза тапқаны хабарланды.