Соңғы жаңалықтар
Соңғы жаңалықтар

Орал тұрғыны жаңа туған нәрестесін жарты жыл үйдегі сөреде жасырған

Карпинскіде 37 жастағы жергілікті тұрғын Юлия алты ай бойы жаңа туған қызын үйдегі сөресінде қамап ұстаған, деп хабарлайды Stan.kz ақпарат агенттігі.

Оның танысы Иринаның айтуынша (аты оның өтініші бойынша өзгертілген), Юлия жүкті болған, бірақ ол босанған кезде бәріне баланың қайтыс болғанын айтқан. Баланың тірі екенін және әйел қызды пәтерінде сөреде және сөмкеде жасырып жүргенін ешкім білмеген. Юлияның басқа екі баласы бар: 13 жастағы бала мен 3 жасар қыз.

Кіші қызы балабақшаға барып, үйлерінде тірі "қуыршақ" бар екенін айтқан. Алайда ешкім оған мән бермеген. Кішкентай қыздың қиялына балаған. 

Жақында Юлияның үйіне әріптестері келіп, ащы су ішкен. Сол кезде біртүрлі дыбыстар естіген. Сөреден нәрестені тапқан. Жылап-сықтап, баланы видеоға түсіріп, ақыры үйлеріне алып кеткен. Алайда араққа сылқия тойып алғандықтан, нәресте жайлы ұмытып кетеді. Ертесінде ғана жедел жәрдем шақырады. Енді нәрестенің анасы жындыханаға жатқызылған, ал бала ауыр жағдайда ауруханаға жатқызылды.

Әйелдің танысы Ирина, егер нәресте аман қалса, әйел түрмеге отырмайтынын айтады.

"Біз бүкіл қала болып, бұл жағдайдан қатты шошып отырмыз. Әйелді жауапкершілкке тарту керек", - дейді ол.


Тоңазытқыштағы нәресте: Баланың тірі жатқанын көрсе де, ешкім құтқарғысы келмеген 


Тағы бір жергілікті тұрғын әйелдің баланы өлтіргісі келетінін, бірақ оған өзі бара алмағандықтан, ашығып өледі деп күткен. 

"Баланы үлкен ұлы тамақтандырған, оған ешкімге тіс жармауын талап еткен болуы керек", - дейді жергілікті тұрғын.

Свердлов облысының ІІМ ресми өкілі Валерия Горелых әйелдің баланың анасы екенін дәлелдейтін тексерістер өткізу керектігін айтады.

"Бұл сұмдық  оқиғаға сену қиын, бірақ бұл туралы айту қаншалықты қиын болса да, ол шындық сияқты", — дейді Валерий Горелых.

"Мұны растау үшін әйелдің шынымен баланың анасы екендігі туралы ресми медициналық қорытынды алу керек. Күдікті жүктілік кезінде әйелдер консультациясында еш жерде тіркелмеген және босану кезінде дәрігерлерден көмек сұрамаған. Үйден босануы да мүмкін. Ішкі істер министрлігінің өкілдеріне дабыл түскеннен кейін, аумақтық ішкі істер органдарының қызметкерлері әйелдің мекенжайына шығып, нәрестені ауыр жағдайда тауып, оны шұғыл түрде жергілікті ауруханаға жіберуді ұйымдастырды, онда қазір дәрігерлер нәрестені құтқару үшін қажетті шаралар қабылдауда. Алдын ала мәліметтер бойынша, оның үшінші дәрежелі гипотрофиясы, сондай-ақ басқа да ауыр ауруларға күдік бар", - дейді ол.

Валерий Горелыхтың айтуынша, осы факті бойынша № 32 полиция бөлімінің тергеу бөлімшесінің қызметкерлері Ресей Федерациясының Қылмыстық кодексінің 156-бабы "кәмелетке толмаған баланы тәрбиелеу міндеттерін орындамау" бойынша қылмыстық іс қозғаған.

Талқылау
Пікір
Қазір оқып жатыр
Çàãðóçêà...
Қазір оқып жатыр