Оңтүстік Қазақстан облысында көші-қон қызметі бөлімінің бастығы ұсталды
Оңтүстік Қазақстан облысы Ішкі істер департаментінің көші-қон қызметі бөлімінің бастығы ұсталды. Ішкі істер министрлігінің мәліметінше, шенеунік 10 сәуірде пара алу кезінде қолға түскен.
Бұл туралы Sputnik Қазақстан-ға сілтеп, Stan.kz ақпараттық агенттігі хабарлайды.
«Н. Төлегенұлы Ауғанстанның төрт азаматына Қазақстанның азаматтығын алуға көмек көрсету үшін пара алу кезінде ұсталды», – делінген хабарламада.
Лауазымды шендіні ұлттық қауіпсіздік комитетінің жедел тергеу тобы мен ішкі істер департаменті өзіндік қауіпсіздік қызметінің өкілдері 30 мың жалған доллар мен 3 жарым мың шын доллар алу кезінде ұстапты. Білдей басқарманы екі жыл басқарған полковник әр шетелдікке азаматтық алып беруді шамамен 3 миллион теңгеге бағалаған. Қазір ол уақытша қамау абақтысында отыр.
«Шара барысында ішкі істер департаменті көші-қон қызметі басқармасының бастығы Төлегенұлын ұстады. Ол 4 Ауғанстан азаматына ҚР азаматтығын алуға көмектескені үшін пара алып жатқан жерінде қолға түсті. Күдікті Шымкент қаласындағы уақытша ұстау изоляторында қамауға алынды. Қазір бұл іс бойынша тергеу амалдары жүргізілуде»,- дейді ҚР ІІМ ресми өкілі Алмас Сәдубаев.
Тағы оқыңыз:
Назарбаев университеттерді қатаң сынға алды
Назарбаев орыс тіліндегі кейбір сөздердің қазақ тіліндегі аудармасына ұялады
Назарбаев: Швейцарияда қарапайым такси жүргізушісі төрт тіл біледі