Нұр-Сұлтан тұрғыны кішкентай ұлының көзінше сән салоны қызметкерін ұрып жіберді
Елордада ер адам кішкентай ұлының көзінше сән салоны қызметкеріне қол жұмсады. Ыңғайсыз сәт түсірілген видео әлеуметтік желіде тарауда, деп жазады Stan.kz ақпарат агенттігі.
Нұр-Сұлтан қалалық полиция департаменті баспасөз қызметінің хабарлауынша, 22 жастағы шаштараз өзіне қол жұмсаған азаматтың үстінен шағым түсірген.
"22 жастағы шаштараздың айтуынша, клиент өзі жазылған уақыттан бұрын келіп, ұлының шашын алып беруді өтінген. Қызметкерлер ғимарат ішін жинастыру қажеттігін айтқан. Ер адам қызметкерлерге тіл тигізіп, шағым түсірушіге зақым келтірген. Сот-медициналық сараптама тағайындалды", – деп хабарланды ПД баспасөз қызметінен.
34 жастағы ер адамның үстінен әкімшілік құқық бұзушылық туралы кодекстің 434-бабы (Ұсақ бұзақылық) бойынша іс қозғалды.
Ауданаралық мамандандырылған сот құқық бұзушыны айыппұл төлеуге міндеттеді.
Талқылау
"Ізімнен қалмай, бөксемді ұстады": Елордалық қыз сауда орталығында келеңсіз жайтқа тап болғанын айтты
Басқа қыздар да басынан өткен ұқсас оқиғаларды баяндады
"Қуыршақ секілді тістеп ары-бері сүйреді": Алматы облысында 10 жасар баланы иттер талап, сан еті мен құлағын жұлып алған
Екатерина істі сотқа жеткізіп, медициналық анықтамаларды жинап, кейін прокуратураға шағымданбақ