Тоқаевтың жиені депутат Дана Медеуова Құрылтайдағы жұмысын көрсетті (видео)
Президенттің осы уақытқа дейін көпшілікке танымал болмаған жиені Дана Медеуова Құрылтайдағы қызметі туралы алғаш пікір білдіріп, жұмыс барысын көрсетті. Бұл туралы Stan.kz ақпарат агенттігі хабарлайды.
Депутат Дана Медеуова Instagram парақшасын ашып, алғаш рет Құрылтайдағы жұмысын көрсетті. Кадрдан депутаттың әріптестерімен сөйлесіп, құжаттармен жұмыс істеп, отырыстарға қатысып жүргенін көруге болады.
“Қазақстан Республикасының заң шығару билігiн жүзеге асыратын жоғары өкiлдi орган, бір палаталы Парламент – Құрылтайдың депутаты болу мен үшін үлкен мәртебе”, – делінген видеоның жазбасында.
Сонымен қатар депутат Құрылтайдың халықаралық істер, қорғаныс және қауіпсіздік комитетінің құрамына кіргенін атап өтті.
Айта кетейік, Дана Медеуова Тоқаевтың туған қарындасы Қарлыға Избастина мен дипломат Теміртай Избастиннің қызы. 46 жастағы Медеуова Парламентке "Әділет" партиясының партиялық тізімі бойынша өтті.
Еске салсақ, бұған дейін депутат Айдос Сарым Тоқаевтың жиені қалай депутат болғанын түсіндірген еді. Оның айтуынша, президенттің жақын туысының депутаттыққа келуі Конституцияға қайшы емес.
Ауылда тұратын математика мұғалімі 3 сағатта шетелдік видеоны қазақша сөйлететін қосымша жасап шықты
Дәуіт Сұраған негізі математика пәнінің мұғалімі
Жаңа вирус па: Қазақстандықтар бұрын-соңды болмаған ауру белгілеріне шағымданды
Маман: "Ауру белгілеріне қарап нақты қандай вирус жұққанын анықтау мүмкін емес"