2023 жылы жоғалып кеткен қазақстандықтардың мәйіті табылды
Өткен жылдың желтоқсан айында Алматы мен Шымкентте жоғалып кеткен ер адамдар өлі табылды. Бұл туралы Stan.kz ақпарат агенттігі Lider.kz еріктілерінің Instagram парақшасына сілтеме жасап хабарлайды.
Фото: Lider.kz Instagram парақшасынан
1976 жылы туған Бегімбетов Мұрат Жайлаубекұлы 2023 жылдың 30 желтоқсанында із-түссіз жоғалып кеткен. Ер адам Іле ауданы, Комсомол ауылы, Абай көшесі, 46-үй мекенжайындағы үйден шығып кетіп, жоғалып кеткен. Еріктілердің айтуынша, жоғалған адамның денесі 9 мамырда Алматының Алатау ауданында табылған. Басқа мәліметтер әлі берілген жоқ.
1989 жылы туған Мәдібеков Руслан Ерғазыұлы 2023 жылдың 26 желтоқсанында жоғалып кеткен. Сол күні ер адам Шымкенттегі токсикологиялық орталықтан белгісіз бағытта шығып кетіп, жоғалып кеткен. Наркологиялық диспансерде және психикалық диспансерде есепте тұрған. Екінші топтағы мүгедек, денесінде күйік іздері бар.
"Өлі табылды", - деп хабарлады еріктілер.
Басқа мәліметтер әлі берілген жоқ.