Дэвид Бекхэм өзінің психикалық ауытқуы бар екенін мойындап, онымен қалай өмір сүріп жүргенін айтты
Дэвид Бэкхэм психикалық күйзелісіне байланысты бүкіл отбасы ұйықтауға кеткенде үйіне бірнеше сағат бойы тазалық жұмыстарын жүргізеді. Бұл туралы Англияның бұрынғы капитаны өмірбаяндық сериалының жаңа эпизодында айтты, деп хабарлайды Stan.kz ақпарат агенттігі.
47 жастағы Бэкхэм өмір бойы күресіп келе жатқан обсессивті-компульсивті бұзылыстың салдарынан үй тазалауға деген құштарлық пайда болғанын мойындады. Оның айтуынша, ол басқа отбасы мүшелері ұйықтап жатқанда үй3y тазалап, шамдарды сүртуге және ыдыс жууға бірнеше сағат жұмсайды.
“Таңертең төмен түскенде, жиналмаған шыныаяқтарды, табақтарды және тостағандарды көргенді жек көремін. Әр шамды толығымен тазалау шаршатады. Онымен қоса шам балауызын кесіп, әйнекті тазалаймын. Бұл жану кезіндегі іздерді сүрту - менің сүйікті обсессивті ойым. Білемін, бұл біртүрлі”, – деді Бэкхем.
Бұрынғы футболшының мінез-құлқының өзгергеніне қарамастан, оның әйелі Виктория Бэкхэм жұбайын мінсіз деп санайды. Сериалдың жаңа бөлімінде ол күйеуінің үйді тазартқандағы күш-жігерін жоғары бағалайтынын айтты.
Бұдан бұрын футболшының үлкен ұлы 23 жастағы Бруклин Бекхэм-Пельц танымал әкесінің жетістігін қайталауға тырысқаны үшін психикалық күйзеліске ұшырағанын мойындады. Оның айтуынша, ол үнемі болатын мазасыздықтан зардап шеккен.
Бекхэмнің айтуынша, оған жоғары жауапкершілік жүктелгендіктен, күйзеліске түскен.
"Мен үнемі қатты уайымдайтынмын. Әкемнің футболда қол жеткізген жетістіктеріне сәйкес келуге тырыстым, бірақ мен сезімталмын", — деп түсіндірді ол.
Жігіт ақырында футбол алаңында әкесінен асып түсе алмаймын деген қорытындыға келіп, кәсіби спортшы болу туралы шешімін өзгерткен.