Сауда министрлігі қазақстандықтардың қантқа байланысты дүрбелең туғызуына байланысты пікір білдіріп, зауыттар республиканың қантқа сұранысын толықтай қамтамасыз етіп отырғанын айтты.

"Бүгінгі таңда республика бойынша қант қоры - шамамен 90 мың тонна. Сауда нүктелерінде, тұрақтандыру қорларында, "Азық-түлік келісім шарт корпорациясы" АҚ сақтау объектілерінде және мемлекеттік материалдық резервте шамамен 42 мың тонна, қант зауыттарында – шамамен 47 мың тонна бар", - деді спикер орталық коммуникациялар қызметінде өткен баспасөз мәслихатында.

Оның айтуынша, зауыттар республиканың ай сайынғы тұтынуын (шамамен 44 мың тонна) ескере отырып, шамамен 50 мың тонна өндіре алады, яғни зауыттар республиканың қантқа деген қажеттілігін толық қамтамасыз етеді.

"Азық-түлік корпорациясы" АҚ қазіргі уақытта өтінімдер бойынша қант қабылдауды және өңірлерге сатуды жүргізеді. Қазақстан кондитерлері қауымдастығының деректері бойынша, кондитерлік фабрикалар да таяу уақытта қанттың қажетті көлемімен қамтамасыз етілген.

Сарапшылар елімізге Қырғызстан, Өзбекстан мен Тәжікстаннан келетін мигранттар саны артады деп болжап отыр

"Бізде тапшы болып жатыр": Ресей тұрғындары Ақтөбе мен Оралдан азық-түлікті қаппен алып жатыр

"ЕЭК Кеңесінің шешімімен Қазақстан Республикасына ақ қант пен құрақ шикі қантын 250 мың тонна көлемінде бажсыз әкелу құқығы берілді. Қантты әкелуге арналған квоталардың қорлары мен көлемін ескерсек, республика қантпен толық қамтамасыз етілген", - деді Жеңіс Өсербай.

Сондай-ақ Жеңіс Өсербай жарма, ұн және басқа да тауарларды өндіру үшін шикізат жеткілікті екенін айтты. Ет және сүт өнімдері үшін де ауыл шаруашылығында мал басы жеткілікті екенін айтты.

"12 наурыздағы жағдай бойынша, республикада 1,3 миллион тонна әлеуметтік маңызы бар тауар бар. Оның ішінде, 144 мың тонна ұн, 90 мың тонна қант, 39,3 мың тонна күріш, 21 мың тонна макарон өнімдері және 900 мың тоннадай көкөніс бар", - деді ол.

Вице-министр барлық дерлік тауар түрін еліміз өзі өндіріп отырғанын жеткізді.

Талқылау