«Нұр Отан» партиясы саяси кеңесінің кеңейтілген отырысында елбасы шенеуніктер кеңселерінде отырып алып, халықтың мәселесін шешу үшін олармен кездеспейді деп шүйлікті.

"Бұл ең жаман нұсқа. Біз сұрақтарға жауап беруден, адамдармен кездесуден қорықпауымыз керек. Бірақ бәрі бірдей олай етпейді. Бердібек Машбекұлы, баршаңыздың атынан премьер-министрдің орынбасары болып тағайындалуыңызбен құттықтаймын. Сіз төрт облыстың әкімі болдыңыз. Біз адамдармен сөйлестік, олар бізді түсінді. Солай ма?"- деді елбасы.

Бердібек Сапарбаев премьер-министрдің орынбасары болып тағайындалды. Бұған дейін ол еңбек және халықты әлеуметтік қорғау министрі, Ақтөбе және Шығыс Қазақстан облыстарының әкімі қызметтерін атқарған.

Бұған дейін ол Ақтөбе облысының әкімі болған. Сондай-ақ, әр уақытта Сапарбаев министрлер кабинетінің басшысы, Қызылорда облысының әкімі, Оңтүстік Қазақстан облысының әкімі, кедендік бақылау агенттігінің төрағасы, содан кейін қаржы вице-министрі болып қызмет еткен. 2009 жылғы 4 наурыздан 2014 жылғы 11 қарашаға дейін Шығыс Қазақстан облысының әкімі болды. 2014 жылғы 11 қарашада Қазақстан Республикасы премьер-министрінің орынбасары болып тағайындалды.

Естеріңізге сала кетсек, осы уақытқа дейін Бердібек Сапарбаевтың жаңа қызметке тағайындалғаны туралы хабарлаған едік.

Талқылау