Мобилизациядан кейін Қазақстанға қанша ресейлік келді - Ішкі істер министрлігі айтты
Ішкі істер министрлігі Астанадағы брифингте Қазақстанға мобилизация туралы хабарландырудан кейін қанша ресейлік келгенін айтты, деп хабарлайды Stan.kz ақпарат агенттігі.
Сурет: DW.com
Ішкі істер министрлігінің айтуынша, 21 қыркүйектен бастап Қазақстанға 98 мыңға жуық ресейлік келіп, 64 234 ресейлік кетті. Сегіз мыңнан астамы ЖСН алды.
Ішкі істер министрі Марат Ахметжанов 2018-2019 жылдары Қазақстанға үш миллионға жуық Ресей азаматы келгенін хабарлады.
Қазақстанға 9 ай ішінде 1 миллион 700 мың Ресей азаматы келді. Сонымен қатар, қазақстандықтар да кетіп жатқанын атап өткен жөн. Күн сайын Қазақстанның 40 мың азаматы шетелге шығады.
“Өкініштісі, бұл өзгерістердің бәрі азаматтарымыздың құқықтарына нұқсан келтіруі мүмкін. Сондықтан бізде барлығы бақылауда, көші-қон заңнамасы жұмыс істейді, заңнаманы бұзу бойынша қандай да бір аномалды құбылыстарды көріп отырған жоқпыз", - деп хабарлады ІІМ басшысы Астанадағы брифинг барысында.