"Менің әндерім рух берді": Төреғали Төреәлі дзюдошы Елдос Сметовке қалай қолдау білдіргенін айтты

Отандық шоу-бизнес өкілі, әнші Төреғали Төреәлі Париж Олимпиадасының чемпионы Елдос Сметовке қалай қолдау білдіргенін айтып берді. Бұл туралы Stan.kz ақпарат агенттігі хабарлайды. 

Фото: https://www.instagram.com/toregalitoreali/

Өнер иесі спортшының күтіп алу үшін Ташкент сапарынан да бас тартқан көрінеді. 

“Ташкентке бармаған себебімді айтайын. Еліміз үшін тарихи сәт. Әрі ол менің досым. Алтын медальдан қанша жыл үміт үзбей дайындалып жүргеніне куәмін. Алматыда дайындықта жүргенде біраз уақыт бірге жүріп, сол арманы менің де арманым болып кетіп еді. Тіпті дұғамнан тастамай жүрдім. Ал алтынды қоржынымызға түсірген уақытта бізді дос еткен елімізге деген қызмет және осындай қуанышты барша қазаққа сыйласақ деген ниетіміз түзу екенін түсіндім”, – деп жазды әнші. 

• Елдос Сметовке жаңа көлік пен 5 бөлмелі пәтер берілді

• Тараз әкімдігі Елдос Сметовтің Олимпиададағы жеңісінен кейін үйінің алдына асфальт төсеп берген (видео)

Эстрада жұлдызының айтуынша, спортшыға рух берген өзі орындайтын әндері көрінеді.

“Таразға жолда келе жатып, толғанып келдім. Халқы үшін өз өмірін, жылдарын сарп еткен нағыз азамат.Әлемді мойындатқан палуанымыздың қуанышы күллі қазақ бірлігінің көрсеткіші. Неге десеңіз "Жаяудың шаңы, жалғыздың үні шықпайды" дейін. Қаншама халықтың қолдауы үлкен рөл атқарады. Енді мен де сол қазағымның қуанышына ат басын бұрып келдім. Бір қызығы, досым менің әндерімді тыңдап, жаттығу жасайтын көрінеді. Бәлкім, менің әндерім рух берген шығар", – деп жазды Төреғали. 

Еске салайық, спортшыға әнші асылтұқымды ат мінгізгенін жазған едік.