Ғазизхан Шекербеков былтырдан бері отбасылы екенін жария етіп келді. Балаларының суретін желіге жиі жүктейді. Алайда әйелін жасырып келді. Бұл жолы үшінші баласын күтіп отырған жарының суретін жариялады. Алайда бұл әрекетіне кейін өкініп қалыпты.

"Менің отбасылы екенімді көпшілік біледі ғой. Балаларымды көрсетіп жүрмін. Әйел болмаса, бала қайдан болады. Үшінші баламды күтіп жүргендіктен көпшілікке әйеліммен түскен суретімді көрсеттім. Салыстырып көрейінші дедім. Оқырмандарым неге қызығады екен деп ойладым. Әйелімнің суреті көп лүпіл мен пікір жинады. Көпшілік менің жеке өмірім қызығады екен. Маған бұл ұнамады. Менің өнерімді бағалағаны жақсы еді. Соған ерегескенде әйелімнің басқа суретін жарияламай қойдым", - деді әнші.

Ғазизхан екі әйелі жайлы клип түсіргенін жайып салды

"Еркекпін мен": Ғазизхан Шекербеков тоқал алғысы келетінін жайып салды

Әнші көпшілікке ерегескенде енді әйелімнің суретін жарияламаймын дейді. Маған қаралымның керегі жоқ деп ақталды.

"Келіншегіммен сурет сала бергенім ертең машина ойнатам деген сөз емес. Менікі жай бір қыдырғанда ұпай жинап қалу ғой. Ертең маған мүлде ренжи алмайтындай", - деп жазды әнші сурет анықтамасында.

"Әйелімді жариялаған соң оқырмандарым көбейе бастады. Егер маған қаралым керек болса, жарымның суретін күнде жариялап отыратын едім. Бірақ маған ондай керек емес. Мен өзі керісінше жүретін адаммын ғой. Сондықтан оны қаламаймын. Менің оқырмандарымның қызығушылығын білу мақсатында әрі әйелімнің көңілін аз да болса көтеру мақсатын да жасаған едім", - деп ақталды Ғазизхан Шекербеков.

"Үйленгеніңді білмеппін, бақытты болыңдар әдемі екен", "Әйеліңіз қандай сұлу", "Еркектер, қолда бардың қадірін білмейді", "Әп-әдемі әйеліңізді неге жасырасыз?", - деп жазды желідегілер.

Талқылау