Қазақстан атынан өнер көрсететін Кения тумасы Олимпиадаға жолдама жеңіп алды

Қазақстанның атынан сынға түсетін жеңіл атлет Нора Джеруто олимпиада ойындарының лицензиясын иеленді. Бұл туралы Stan.kz ақпарат агенттігі хабарлайды.

Фото: ҰОК

Жеңіл атлетикадан Қазақстан командасының мүшесі Нора Джеруто олимпиада нормативін орындап, Париждегі дүрмекке жолдама жеңіп алды. АҚШ-та өткен USATF Los Angeles Grand Prix турнирінде қазақстандық спортшы 3000 метрге кедергілер арқылы жүгіруден бақ сынап, 9:22.45  уақыт көрсеткішімен қола жүлдегер атанды. Бұл сында Джеруто Канада және АҚШ спортшыларына есе жіберді. Осылайша, олимпиада нормативін орындаған Нора Джеруто іріктеуден өткен екінші қазақстандық жеңіл атлет атанды.

Айта кетейік, бұған дейін марафоншы Жанна Мамажанова олимпиада нормативін орындап, Парижде өнер көрсету құқығына ие болған еді.