Кеңес Рақышев Астанада жаңа тау-кен компаниясын тіркеді

Fincraft Minerals компаниясы 1 қыркүйекте АХҚО-да тіркелді. Оның жалғыз акционері ретінде кәсіпкер Кеңес Рақышев көрсетілген. Бұл туралы Stan.kz ақпарат агенттігі хабарлайды.

Компания Астанада, Есіл ауданындағы Дінмұхамед Қонаев көшесі, 12/1, 32-кеңседе тіркелген. Қазіргі мәртебесі жұмыс істеп тұрған компания. Негізгі қызмет түрі ретінде холдингтік компаниялардың қызметі көрсетілген.

Жарғылық капитал 1 мың теңгелік 1 мың жай акцияға бөлінген. Осылайша компанияның жарғылық капиталы 1 миллион теңге.
Fincraft Minerals компаниясында бірден төрт лауазымды Кирилл Довганюк атқарады. Олар: CEO, директор, хатшы және уәкілетті қол қоюшы.

Рақышев пен Довганюкті тағы қандай жобалар байланыстырады?

Кирилл Довганюк сондай-ақ Кеңес Рақышевқа тиесілі Treasure Limited компаниясын басқарады. Компания 2025 жылы ұлттық тау-кен компаниясы "Тау-Кен Самұрықпен" бірлесіп, Zhetysu Gold Limited бірлескен кәсіпорнын құрған.

Оқыңыз

"Полициямен қорқытып жатыр": Алматыдағы Самал-3 тұрғындары саябақтың құрылысқа берілуіне қарсы шықты Оқыңыз

Zhetysu Gold Limited бағалы металдарды өндіру және өңдеу жобаларын дамыту үшін құрылған. Компанияның жарғылық капиталы 50 млн теңге болған.

Ал Fincraft Minerals компаниясының тіркеу деректерінен оның нақты қандай пайдалы қазбалармен немесе кен орындарымен айналысатыны әзірге белгісіз. Құжаттарда тек холдингтік компаниялардың қызметі көрсетілген.

2026 жылғы 1 шілдедегі мәлімет бойынша Fincraft Resources компаниясының ең ірі акционері – 76,45% үлесі бар Fincraft Group. BTA Bank-ке 15,25%, қалған 8,3% басқа акционерлерге тиесілі. Компанияның түпкілікті бақылаушысы ретінде Кеңес Рақышев көрсетілген.

Forbes Kazakhstan рейтингі бойынша Ракишев 2026 жылы Қазақстанның ең бай бизнесмендері арасында 27-орында. Оның байлығы 402 млн долларға бағаланған. Кеңес Рақышев Иманғали Тасмағамбетовтің үлкен қызы Әселге үйленген.

Еске салайық, бұған дейін Қазақстанның Forbes журналы 2025 жылғы елдегі ең ықпалды 50 бизнесменнің рейтингін жариялаған еді. Сол тізімде Кенес Ракишев те бар. Кәсіпкер рейтингте 10-орынға жайғасып, ел экономикасына ықпалы жоғары бизнесмендердің қатарына енді. Fincraft Group және Fincraft Resources компаниялары Ракишевтің негізгі бизнес активтерінің қатарында көрсетілген.