Қазақстандықтарды 223 млн теңгеге алдап кеткен әйел Ресейден экстрадицияланды
Аса ірі алаяқтық жасады деген күдікті қылмыстық жауапкершілікке тарту мақсатында Ресейден Қазақстанға экстрадицияланды. Бұл туралы Stan.kz ақпарат агенттігі хабарлайды.
Видеодан скрин
Әйел Павлодарда 2019-2023 жылдар аралығында таныстарынан бизнесті дамыту үшін ақша алып, кепілдік ретінде басқаға тиесілі пәтерді ұсынған. Осылайша күдікті 66 тұрғынды алдап, 223 миллион теңге шығын келтірген.
“Алаяқтық жасағаннан кейін қылмыскерге халықаралық іздеу жарияланды. Нәтижесінде күдікті былтыр желтоқсан айында Ресей Федерациясы Адыгея Республикасының аумағында ұсталды. Кейін еліміздің бас прокуратурасының өтінішімен Қазақстанға экстрадицияланды. Қазір күдікті уақытша ұстау изоляторына қамалды”, – деп мәлімдеді бас прокуратура.
Айыпталушының мүлкі тәркіленіп, ол бес жылдан он жылға дейінгі мерзімге бас бостандығынан айырылмақ.
"Таза қазақша сөйлегім келеді": Парижде тұратын француз қызы қазақ тілін үйреніп, мәдениетін дәріптеп жүр
Элиз әлеуметтік желі арқылы қазақ тілін үйреніп алған
20 жастағы қазақстандық қызды бұрынғы жігіті қатыгездікпен өлтірді деп айыпталды: Оқиғаның мән-жайы айтылды
Абай облысында жігіт қызға 12 рет пышақ сұғып, бірнеше рет басынан соққы жасаған