Қазақстандықтар жазғы Универсиадада екі қола жүлдеге ие болды
Германияда өтіп жатқан XXXII жазғы Дүниежүзілік Универсиада аясында қазақстандық спортшылар ел қоржынына тағы екі қола медаль салды. Бұл туралы Stan.kz ақпарат агенттігі хабарлайды.
Бұл ақпаратты ҚР Ғылым және жоғары білім министрлігі мәлімдеді.
Таэквондошы Нодира Ахмедова 20 шілде күні өткен жекпе-жегінде Қытай елінің өкілімен кездесіп, қарсыласына есе жіберді. Жартылай финал сатысынан аса алмаған спортшы жарысты үшінші орынмен аяқтап, Қазақстанға қола медаль сыйлады.
Сол күні тағы бір таэквондо шебері Тілеулес Темірлан да жүлдегерлер қатарынан көрінді. Ол украиналық қарсыласымен болған кездесуде ұтылып қалды. Алайда Темірлан жарысты үздік үштікпен қорытындылап, құраманың медаль санын арттырды.
Айта кетейік, бұған дейін көркем гимнастикадан Айбота Ертайқызы мен таэквондошы Дамир Шүленов те Универсиадада қола медаль жеңіп алған болатын.
Рейхстагқа ту тіккен Рахымжан Қошқарбаев па, әлде тарихи шындық бұрмаланды ма?
“Ақиқат бәрін жеңеді, бірақ 50 жыл кешігіп жүреді" дейді тарихшы Болат Сайлан
"Жалаң қылышпен танктерге қарсы соғысқан": Екінші дүниежүзілік соғыс кезінде жойылып кеткен 106-ншы атты әскери дивизия туралы не білеміз
Дивизия құрамына алынатын жауынгерлерге "оқып-жаза алуы керек және орыс тілін білуі керек" деген талап қойылды