Қазақстанда енді жедел-жәрдем шұғыл емес шақыртуларға түнде бармайды

Денсаулық сақтау министрлігі жедел жәрдем ережелеріне түзетулер жобасын дайындады. Мұнда енді Қазақстанда шұғыл көмек қажет болса да, кешке немесе түн ортасында шақырған науқастарға жедел-жәрдемнің бармайтыны көрсетілген. Бұл туралы Stan.kz ақпарат агенттігі хабарлайды. 

Фото: gov.kz ДСМ

Денсаулық сақтау министрлігі дайындаған бұйрықтың тиісті жобасы бір күн бұрын талқылау үшін жарияланды. Талқылау 8 қазанға дейін жалғасады.

Түзетулерге сәйкес, жеделдіктің 4-ші санатындағы қоңыраулар түскен кезде, яғни науқастың өмірі мен денсаулығына тікелей қауіп төнбеген жағдайларда “жедел жәрдем" жұмыс күндері сағат 8.00-ден 18.00-ге дейін және сенбі күні түске дейін қызметте болады.

• "Бала босануына әсер етпейді": Маман папиллома вирусына қарсы екпенің қандай кері әсері болуы мүмкін екенін айтты

• "Жайдан жай алынып тасталған жоқ": Маман елімізде неліктен кейбір препараттардың тегін дәрі-дәрмектер тізімінен шығарылғанын түсіндірді

Құжаттың салыстырмалы кестесінде бұл шешімнің тәулік бойы жұмыс істейтін бригадаларды қаржыландыру жеткіліксіз болғандықтан жасалғаны түсіндіріледі. Шенеуніктер мұның кредиторлық берешектің пайда болуына әкелетінін айтты.

"Ағымдағы тариф МСАК ұйымы жанындағы жедел медициналық жәрдем бөлімшесінің барлық шығындарын толық өтеуді қамтамасыз етпейді", – делінген салыстырмалы кестеде.