Қазақстанда кезектен тыс президент сайлауының бюллетеньдерінде "Бәріне қарсымын" деген жол болады
2022 жылғы 20 қарашаға белгіленген Қазақстанның кезектен тыс Президент сайлауы қарсаңында Орталық сайлау комиссиясы кезекті қаулы қабылдады, деп хабарлайды Stan.kz ақпарат агенттігі.
Құжат мәтінінде, кезектен тыс сайлауы бойынша сайлау бюллетеньдерінің саны, оның ішінде сайлаушылар тізіміне енгізілген сайлаушылардың жалпы санының 1 пайызын қоса, 12 069 990 дананы құрайтыны айтылған.
Сайлаушылардың жалпы саны 11 950 485 адамды құрайды. Дәл осы көрсеткіш сайлау комиссияларына ұсынылған актілерде көрсетілген.
Сонымен қатар, сайлау бюллетенінің мәтіні бекітілді – кандидаттардың аты-жөні әліпби ретімен тізімделген, ақпарат екі тілде: қазақ және орыс тілдерінде берілген. Бұдан бөлек бюллетеньде "Бәріне қарсымын" деген жол болады.
Қазақстан президенттігіне үміткерлер
Орталық сайлау комиссиясы президенттікке алты кандидатты тіркеді.
ОСК бірінші болып елдің қазіргі президенті Қасым-Жомарт Тоқаевты тіркеді. Оны халықтық коалиция ұсынған, ал оның кандидатурасын "Аманат", "Ақ жол" және Қазақстан халық партиясы партиялары қолдаған.
- "Ауылда өскен қазақтың қызымын": Президенттікке үміткер Қарақат Әбден бие сауып, күбі піскенін көрсетті
- "Оларды азаптайды, зорлайды": Қазақстан президенттігіне үміткер елімізде жануарлар туралы заңға өзгеріс қажет екенін айтты
- "Мұндай адамдарды қалай тыңдауға болады?": Президенттікке үміткер Нұрлан Әуесбаев қарсыластарын сынға алды
"Аманат" кәсіподақтар қоғамдастығынан Мейрам Қажыкен ұсынылды. Ол 61 жаста, "Қазіргі қоғамды зерттеу институтының" директоры болып жұмыс істейді.
67 жастағы Жигули Дайрабаевты "Ауыл" партиясы ұсынған. 2022 жылдың жазында "Атамекен" Ұлттық кәсіпкерлер палатасы президиумы жанындағы агроөнеркәсіптік кешен комитетінің төрағасы болып сайланды.
Қарақат Әбден кәсіби әлеуметтік қызметкерлердің ұлттық альянсын ұсынды. 1974 жылы туған, көп балалы ана, бес бала тәрбиелеп отыр, оның бірі асырап алынған. Күйеуі – Болат Өтепов – Сыбайлас жемқорлыққа қарсы іс-қимыл агенттігінің подполковнигі.
Салтанат Тұрсынбекова "Қазақ аналары – дәстүрге жол" қоғамдық бірлестігінің атынан қатысады. Ол 56 жаста, екі баласы бар. Жамбыл ауданындағы ауылдан шыққан ол көп балалы отбасында өскен, еңбек жолын мектепте мұғалім болып бастаған. Қазір Әйелдер істері және отбасылық-демографиялық саясат жөніндегі ұлттық комиссия төрағасының орынбасары, Астана қаласы Қоғамдық кеңесінің мүшесі.
Үміткер Нұрлан Әуесбаев – Қазақстан Жалпыұлттық социал-демократиялық партиясы елордалық филиалының жетекшісі.