Соңғы жаңалықтар
Соңғы жаңалықтар

Қазақ қыздары FIDE халықаралық шахмат федерациясының “ТОП-20” тізіміне енді

Қазақстанның ең мықты шахматшылары арасындағы сайыс өз шыңына жетуде. Сәуір айының соңында қазақ қыздары Жансая Әбдімәлік пен Динара Сәдуақасова FIDE халықаралық шахмат федерациясының ТОП-20 тізіміне кірді.

Қазақ қыздары FIDE халықаралық шахмат федерациясының 20 үздік ойыншылар қатарына кірді

Бұл туралы Sports.kz-ке сілтеп, Stan.kz ақпараттық агенттігі хабарлайды.

Шахматтан Қазақстанды әлемге танытып жүрген Жансая Әбдімәлік сәуір айында Македония мен Венгрияда өткен турнирлерде 33-орыннан 17-ші орынға көтерілді. Өткен айда 18 ойынға қатысқан Жансая 10 рет жеңіске жетіп, алты ойынды тең аяқтап, екі сайыста жеңіліс тапты.

Жастар арасындағы әлем чемпионы (U-20) Жансая Әбдімәлік жеке теңдік бойынша 40,8 балл жинады. Сондай-ақ, рейтингте 18-ші орынды иеленген тағы бір қазақстандық шахматшымыз Динара Сәдуақасова да дәл осындай көрсеткішпен алға шықты.

Айта кетейік, өткен жылы қыздар арасында өнер көрсеткен қазақстандық шахматшы Динара Сәдуақасова БАӘ-де өткен жыл сайынғы Asian Chess Excellence Awards байқауының үздік ойыншысы атанған болатын.

Сонымен қатар, әйелдер рейтингінің көшбасшылары Қытай Халық Республикасының өкілдері Хоу Ифан және Цзюй Вэньцзюнь, сондай-ақ украиналық Анна Музычук болды.

Оқи отырыңыз:

Головкин «Канелоның» допинг қолдануы туралы: Ол қорыққан шығар

«Канелоның» командасы Головкинді сотқа берді

Қазақ баласы шахматтан әлем чемпионы атанды

Головкин чемпион атағын сақтап қалу үшін 20 мың доллар төледі

 

Талқылау