Қарағандылық полицейлер автокөлік айдап әкеткен азаматты ұcтады

31 наурыз күні Қарағанды қалалық полиция басқармасына жанар-жағармай құю станциясының аялдамасынан белгісіз біреудің автокөлік айдап әкеткендігі туралы хабарлама түскен. Бұл туралы Stan.kz ақпарат агенттігі хабарлайды.

Фото: Gov.kz

Оқиға күндіз сағат 14:30 шамасында болған. Патрульдік полиция полкінің қызмет инспекторлары А.Шабақбаев пен Д.Мырзамбеков өздеріне бекітілген Михайлов секторында қызметте еді. Оқиға орынына келген олар 38 жастағы жәбірленушіден автокөлігі туралы мәлімет алып, іске кірісті.

Жүргізілген кешенді жұмыс барысында полиция қызметкерлері ізін суытпай көлікті ұрланған 35 жастағы күдіктіні ұстады. Ол тергеу әрекеттерін жүргізу мақсатында жедел-тергеу тобының қызметкерлеріне тапсырылды.