"Бұл жағдай бүкіл еліміздің энергетикалық қауіпсіздігіне қатер төндіре жаздады. Мұндай келеңсіздікке жол бермеу үшін нарықты газбен қамтамасыз ету керек. Қазақстанда газдың бағасы көрші мемлекеттерге қарағанда әлдеқайда арзан. Шетелдегі сияқты әртүрлі тарифтерді бізге де енгізу мүмкіндігін қарастырған жөн. Жалпы, төмен тарифтер мен төмен бағалар экономикамызға теріс ықпал етеді. Бөлінген барлық субсидиялар көрші елдерге босқа кетеді. Қаншалықты қиын болса да, бұл мәселені біртіндеп шешу қажет. Басқа жол жоқ", - деді президент Қазақстан Республикасы Парламентінің VIII шақырылымының бірінші сессиясында сөйлеген сөзінде.

Президент: Үкімет және Парламент туризмді дамыту мәселесіне баса назар аударуға тиіс

Тоқаев орта бизнесті дамытуға бағытталған тәсілдерді әзірлеуді тапсырды

Тоқаев қазіргі уақытта зәулім үйлерін күндіз-түні төмен тарифпен жылытатындарды сынап, жаңа жүйе бойынша газдың текшеметрі қымбатырақ болуға тиіс екенін баса айтқан. Әлеуметтік әділдік дегеніміз – осы, дейді ол.

"Қолда бар шикізатты пайдалану тиімділігін арттыру маңызды. Күнделікті тұрмыста да, мемлекет деңгейінде де үнемдеп үйрену керек. Бұл – әлемдік тәжірибе. Оның өзектілігі қазіргі күрделі геосаяси ахуал жағдайында күшейе түсті. Өндірісте де, тұрмыста да газды арзан екен деп бей-берекет жаға беруге болмайды. Мұны доғару керек. Үкімет Тауар газының энергетикалық тиімділігін арттыру және оны үнемді пайдалану жоспарын әзірлеуі қажет", - дейді президент.

Талқылау