Соңғы жаңалықтар
Соңғы жаңалықтар

Есірткі қылмысына қарсы комитет басшысы Данияр Мейірхан қызметкерін жыныстық қатынасқа мәжбүрлегені үшін сотталды

Данияр Мейірхан сот үкім
Фото: facebook.com/daniyar.meirkhan

Қазақстан Ішкі істер министрлігі Есірткі қылмысына қарсы іс-қимыл комитетінің бұрынғы төрағасы, полиция полковнигі Данияр Мейірхан бағынышты қызметкерін жыныстық сипаттағы әрекеттерге мәжбүрлегені үшін кінәлі деп танылды. Бұл туралы Stan.kz ақпарат агенттігі хабарлайды.

Журналист Михаил Козачков өзінің Telegram арнасының мәліметінше, сот 2025 жылдың сәуірі мен қарашасы аралығында жоғары лауазымды полицейдің қызметтік жағдайын пайдаланып, өзіне бағынышты әйелді жұмыс орнында жыныстық сипаттағы әрекеттерге мәжбүрлегенін анықтаған.

Әйелге психологиялық қысым көрсетілген. Ол жұмыстан шығарып жібере ме деп қорқып, оған қарсы тұра алмаған.

Сотталушының кінәсі жәбірленуші мен куәгерлердің айғақтары, нотариус куәландырған хат алмасулар және маманның қорытындысының негізінде дәлелденді.

Нәтижесінде Данияр Мейрхан Қылмыстық кодекстің 123-бабы (Жыныстық қатынасқа немесе өзге де сексуалдық сипаттағы әрекеттерге мәжбүрлеу) бойынша кінәлі деп танылды. Астана қаласының қылмыстық істер жөніндегі ауданаралық соты оған 6 миллион теңгеге жуық айыппұл салды.

Алайда полиция полковнигі өз кінәсін мойындамаған. Сот үкімі әзірге заңды күшіне енген жоқ.

Айта кетейік, 8 сәуірде Данияра Мейірханның 2025 жылдың қыркүйегінен бері атқарып келген есірткі қылмысына қарсы іс-қимыл комитетінің төрағасы қызметінен шеттетілгені белгілі болды. ІІМ оған қатысты әріптестерінің шағымы бойынша тексеру жүргізіліп жатқанын хабарлады. 

Ал 13 мамырда Данияр Мейірханға қатысты сталкинг дерегі бойынша қозғалған қылмыстық іс тоқтатылды. Алайда ішкі істер министрінің орынбасары Санжар Әділов сотта "жеке айыптау" тәртібімен қаралып жатқан материалдар бар екенін айтқан.

Сонымен қатар Данияра Мейірханға қатысты телефон сатып алуға байланысты арыз бойынша да тексеру жүргізілген.

"Тергеу органы қылмыстық қудалауды тоқтатты. Оның бұрынғы қарамағындағы қызметкер Данияр Мейірханға арнап телефонды бөліп төлеу арқылы сатып алғанын айтқан. Алайда мұны ол Данияр Мейірханның өз қаражатына жасаған. Мұның бәрі 2024 жылы болған. Сол кезде Данияр оған маңызды тапсырма жүктеп, ІТ-мамандар тобымен бірге спутник арқылы бүкіл зертханалардағы химиялық шығарындыларды бақылап, елдегі “синтетикалық” есірткі өндірісін тоқтатуды тапсырған. Алайда біреулер бұл жоспардың жүзеге асқанын қаламаған секілді", – деп жазды Жаманбаева Facebook парақшасында.

Еске салсақ, Данияр Мейірханның атына қатысты даулы оқиғалар бұған дейін де тіркелген. 2022 жылдың сәуірінде ол Түркістан облысы Түлкібас аудандық полиция бөлімінің бастығы қызметінде жүрген кезінде "өз бетінше әрекет ету" және "бөтеннің көлігін иемдену" күдігімен ұсталған. Кейін іс "алаяқтық" бабына қайта сараланғанымен, қоғамда резонанс тудырған бұл жағдайға қарамастан, ол кепілмен босатылды. Біраз уақыттан соң іс мүлде тоқтатылып, Мейірхан Шымкент қалалық патрульдік полиция полкінің командирі қызметіне тағайындалды.

2024 жылдың қыркүйегінен бастап есірткі қылмысына қарсы іс-қимыл комитеті төрағасының орынбасары болған. Кейін осы комитеттің төрағасы міндетін атқарушы, ал 2025 жылдың қыркүйегінен бастап комитет төрағасы қызметін атқарып келген.

Айым Болатқызы
Бейсенбі, 19 Қараша, 2026 15:37