Елімізде алдағы уақытта әуесқойларға да ақбөкен аулауға рұқсат беріледі
Қазақстанда ақбөкендерге әуесқой ретінде аңшылыққа шығуға рұқсат беру жоспарлануда. Тиісті құжат "Ашық НҚА" порталында 20 қарашаға дейін жария талқылауға қолжетімді. Бұл туралы Stan.kz ақпарат агенттігі хабарлайды.
Ақбөкендерді әуесқойларға аулауға рұқсат берілуі мүмкін, алайда олардың мүйізін сату мақсатында аулауға болмайды. Жануарларды атуды тек бекітілген аңшылық шаруашылықтарының арнайы аумағында, сондай-ақ бөлінген квотаға сәйкес жүргізуге болады.
"Бекітілген аңшылық шаруашылықтарының аумағында ақбөкендерге әуесқой мақсатта аң аулауға өтінім жергілікті атқарушы органға беріледі", – делінген бұйрықта.
Заң жобасына сәйкес тек еркек ақбөкендерді аулауға рұқсат беру жоспарланып отыр. Жануарды аулағаннан кейін аңшы оның мүйіздері мен сирақтарын таңбалауы керек.
"Үйді тіреп тұрған жерге құрылыс бастады": Алматыдағы "Три богатыря" тұрғындары баспаналары құлап қала ма деп алаңдаулы
Әкімдік құрылыс жұмыстарын уақытша тоқтатты
"Өлім аузынан қалдық": Түркістан облысында су басқан ауыл тұрғындары мал-мүлкінің көз алдында ағып кеткенін айтты
Бұл жолы нөсер небәрі жарты сағатқа ұласқан. Соның өзінде топан су қора-қопсыны қиратып, үй қоршауының түгін қалдырмай құлатып тастаған