Екібастұзда полицейлер 32 адамның жаппай улану дерегі бойынша іс қозғады
14 сәуір күні Екібастұздағы мекемелердің бірінде өткен тойда тұрғындар уланған. Жергілікті жұқпалы аурулар ауруханасына науқастардың кенет ағылуы істің қозғалуына себеп болды. Бұл туралы Stan.kz ақпарат агенттігі хабарлайды.
Ауруханаға жатқызылғандардың жағдайы орташа ауыр деп бағаланып отыр.
Құқық қорғау органдары абайсызда адамдардың жаппай ауруға шалдығып, улануына әкеп соққан санитарлық ережелер немесе гигиеналық нормаларды бұзу фактілері бойынша сотқа дейінгі тергеп-тексеруді бастады.
Сонымен қатар Екібастұз санитарлық-эпидемиологиялық бақылау басқармасына себептер мен жағдайларды анықтау мақсатында тексеру жүргізу тапсырылды.
Еске салайық, бұған дейін Екібастұзда жаппай улану салдарынан 32 адам ауруханаға түскені туралы жазған едік. Медициналық көмекке жүгінген 32 адамның 28-і құсу, іштің құрысуы және жоғары қызба сияқты белгілермен емделуге жатқызылды.
Әл-Фараби атындағы Қазақ ұлттық университеті бір киіз үйді 13,5 миллион теңгеге сатып алған
Алайда дәл осы кезеңде Қазақстанның басқа өңірлерінде киіз үйлер әлдеқайда төмен бағамен сатып алынып жатыр
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі