Оралда көпқабатты үйдің тұрғындары көршісінің тарақанға қарсы дәрісінен уланып қалды
Оралда көпқабатты үйде пәтер иесі тарақандарды улаймын деп көршілерін қоса улады. Нәтижесінде бүлдіршін мен тұрғындар ауруханаға түсті. Бұл туралы Stan.kz ақпарат агенттігі "Мой город" порталына сілтеме жасап хабарлайды.
Төтенше жағдай Завокзальный көшесіндегі №61/3 үйде болған. Батыс Қазақстан облысы ІІД баспасөз қызметінің хабарлауынша, 23.00-де көпқабатты үйдің 36 жастағы тұрғыны өз пәтерінде тарақандарды өлтіретін затты шашып жіберген. Кейін көршілері өздерін нашар сезініп, жедел жәрдем шақырған.
Батыс Қазақстан денсаулық сақтау басқармасының баспасөз қызметі химиялық затпен жаппай ингаляциялық улану болғанын хабарлады. Бес азамат облыстық жедел медициналық жәрдем станциясының жедел жәрдем бөліміне жеткізілген. Зардап шеккендер қатарында 50 жастағы ер адам, 73, 42 және 32 жастағы әйел мен 5 жасар қыз болған.
Барлық науқастар тексерілді және динамикалық бақылауға алынған. Келесі күні барлығы амбулаторлық бақылауға жіберілген.
"Сот шешіміне дейін пәтерде тегін тұра ала ма": Үй иелері мен жалға алушылар Қазақстандағы жаңа өзгеріске байланысты нені білуі керек
Қожайындар енді екі айлық пәтер ақысын депозит ретінде бірден сұрайды
Қазақстандық оқушы ауа арқылы су тапшылығын жоюдың жолын қалай ойлап тапты: Оның өнертабысына шетел қызығуда
Ол жақында Венадағы БҰҰ штаб-пәтерінде Cleantech Days Forum 2026 форумында әлемнің үздік үш жас өнертапқышының қатарына енді