Ауыл шаруашылығы министрлігі Маңғыстауға шөп жеткізу үшін көмек сұрады
Ауыл шаруашылығы министрінің міндетін атқарушы Ербол Қарашөкеев "Қазақстан темір жолы" ұлттық компаниясының басшысы Нұрлан Сауранбаевпен телефон арқылы сөйлесіп, Түркістан облысындағы белсенділер жинаған шөпті Маңғыстауға тегін жеткізуге көмектесуін сұрады, деп хабарлайды Stan.kz ақпарат агенттігі.
Бұл туралы Ауыл шаруашылығы министрлігінің ресми сайтында жарияланды.
"Ауыл шаруашылығы министрінің міндетін атқарушы Ербол Қарашөкеев "Қазақстан Темір Жолы" ұлттық компаниясының басшысы Нұрлан Сауранбаевпен телефон арқылы сөйлесті. Әңгіме барысында Ербол Қарашөкеев Түркістан облысының белсенді тұрғындары жинаған жем-шөпті тегін әрі жедел жеткізіп беруге көмектесуін сұрады. Ұлттық тасымалдаушы компанияның басшысы бұл мәселені өз бақылауына алып, көмек беретінін айтты", – деп жазылған ресми ақпаратта.
Еске салсақ, шымкенттік Құрмет Талапқазының Маңғыстаудағы малды ауылдарға шөп жіберу туралы бастамасы ел ішінде кеңінен қолдау тапқанын жазған болатынбыз. Ал ҚТЖ қуаңшылық жайлаған аймақтарға шөп жіберу үшін еріктілерден ақша сұраған.
Шымбұлақтан да үлкен жаңа Көкжайлау тау шаңғысы курорты салынады: Жоба алматылықтар үшін не береді
Дәл осы жобада жеке виллалардың салынбайтыны нормативтік құжатпен нақты бекітілуі қажет дейді Ержан Еркінбаев
"Әлемде мейірім барына сендіретін жандар": 2025 жылғы жан жылытар әрекеттер мен халықты тәнті еткен қазақстандықтар
Желі қолданушыларын тәнті еткен халық арасындағы қаһарман кейіпкерлердің әрекеттеріне шолу жасадық