"Ауыл-аймақтар мен өңірлерді араласа игі болар еді": Қазақстанның денсаулық сақтау министрі Түркияға барғаны үшін сынға қалды

Жақында әуе қатынасын қайта қалпына келтіру үшін Түркияға іссапармен барып келген денсаулық сақтау министрі Алексей Цой сынның астында қалды. Желі қолданушылары шенеунік аурудың өзін емес, оның симптомдарын емдеуді мақсат еткен деген пікірде көрінеді.

Әлеуметтік желіде министрдің бұл әрекетін сынағандар табылды. Ерлан Сәкенов есімді астаналық Қазақстандағы шипажайлар жабылып жатқанда Түркияның не қажеті бар дейді. 

"Әрине, Түркияны ашу маңызды. Алайда сол үшін жеке іссапармен Түркияға министрдің барудың не қажеті бар? Қазақстандағы коронавирус ахуалы басылса, Түркия ашылмай, қайда барады? Еліміздегі былықтар бастан асады, алдымен соларды шешіп алса, болмайды ма? Министр бұны түсінбейтін секілді, өйткені ол коронавирустың Қазақстаннан тыс симптомдарын емдемекші. Мәселенің түп-төркіні мемлекетіміздің өзінде емес пе?", - дейді желі қолданушысы. 

Сөзінше, министр Түркияға барғанша, Қазақстанның аймақтарын аралағанда игі болар еді. 

"Мәселен, өз басым, Цой ауыл-аймақтарды аралап, өңірлердегі қиыншылықтарды өз көзімен көрсе, мен оның бұл ісін құптайтын едім. Әйтпесе, ол Қазақстанның денсаулық сақтау министрі болып не бітіріп жүр? Дәрігерлерге шенеуніктің Түркияға барғанын қалай тиді екен десеңіздерші. Туристтердің мәселесі Түркияда емес, Қазақстанда. Түркия үкіметі статистикаға көз жүгіртпесе де, біздің елімізде не болып жатқанын түсініп отыр", - дейді Ерлан Сәкенов. 

Бұған қоса ол министрдің мемлекетіміздің шеткі аймақтарындағы ақ халаттылардың жағдайын біліп қайтса, нұр үстіне нұр болатынын жеткізді. 

"Алыс өңірлерде орналасқан жұрттың жайы не болып жатыр? Цой сол жақтарға барып, дәрігерлердің мұңын өзі тыңдап қайтпайды ма? Халық мемлекеттің назарын тыс қалмағанын көрсетпейді ме? Ал министрдің Түркияға барып қайтуын мүлдем қолдамаймын. Әсіресе, мынандай жағдай болып жатқанжа. Масқара! Басқа елдерге ұшып барып, оларға әуе қатынасын ашуды жалбарынып сұрағаны несі? Алдымен еліміздегі жағдайды түзетіп алмады ма? Министр халықты түсінбейді екен, түсінбек тұрмақ, жұрттың қамы шенеуніктің санасына да кірмейді екен!" - деп қосты желі қолданушысы. 

Айта кетейік, бұған дейін Түркия Қазақстанмен әуе қатынасын тоқтатқан еді. Бұл мәселені шешу үшін ҚР премьер-министрдің орынбасары Ералы Тоғжанов пен денсаулық сақтау министрі Алексей Цой Түркияға іссапармен барып қайтқан еді.