Экомен туған: Атырау облысында ер адам егіз баласын зорлады деген күдікке ілінді
"НеМолчи" қорының мүшесі Атырауда болған оқиға туралы ақпарат берді. Мәліметте отбасының әкесі егізге жыныстық зорлық-зомбылық жасады деген күдікке ілінген. Бұл туралы Stan.kz ақпарат агенттігі mgorod.kz-ке cілтеме жасап хабарлайды.
Фото: pixabay
Атырау облысы полицияның баспасөз қызметі қосымша сараптама тағайындалғаны туралы жария етті.
Қор мүшесі балалардың анасы "ол күндері ештеңе байқамадым" деп куәгерлік еткенін айтты.
Әйел 43 жасында ЭКҰ арқылы бір ұл және бір қызды дүниеге әкелген. Осылайша, ол балалардың өз әкесі тарапынан сексуалдық зорлық-зомбылыққа ұшырағанын хабарлады.
"Бұл менің кінәм екенін білемін, бірақ қылмыскердің жазаланғанын қалаймын", – дейді әйел.
Балалардың қорқып қалғанын бірінші болып балабақшадағылар байқаған. Балалар бір-бірін қалдырмай, қолдарын мықтап ұстап алады екен. Бәрінен қорқып, түсініксіз суреттер сала бастаған. Психологиялық сараптама балалардың қиялға бейім еместігі туралы қорытынды жасады.
Қордың қоғам белсенділері Атырау облысының прокуратурасы мен полиция департаментінің басшылығына бұл істі жан-жақты тексеруді талап етіп, шағым түсірді. Құқық қорғаушылар ер адам басқа балаларды да зорлауы мүмкін деп қауіптенеді.
Бұдан бөлек ол жұбайының құқық қорғау органдарында туыстық байланысы бар екенін айтты. Сонымен қатар істі тергеуші қыздардың анасынан тергеуден бас тарту туралы өтініш жазуды талап еткен.
"Қазір қосымша кешенді сот-медициналық сараптама тағайындалды. Нәтижеге сәйкес құқықтық шешім қабылданады", – делінген полиция департаментінің баспасөз хабарламасында.
Еске салайық, Алматы облысында өз қыздарын зорлады деп айыпталған ер адамның қылмыстық ісі бойынша сот басталғаны туралы жаздық.
2023 жылы көктемде Алматы облысында екі қыз әкесі оларды 10 жыл зорлап келгенін айтып, шағымданды. Осыдан соң ер адам қамауға алынды. Ал қыздар қорғаныш ретінде бақылауға алынған. Жәбірленген қыздардың мүддесін заңгер Айман Омарова қорғайды.