Астана тұрғынының суретін WhatsApp чатында рұқсатсыз жариялаған көршілері өтемақы төледі
Астаналық тұрғынның суретін WhatsApp чатында рұқсатсыз жариялаған көршілері 20 мың теңгеден өтемақы төледі. Бұл туралы Stan.kz ақпарат агенттігі хабарлайды.
Астаналық тұрғын үй тұрғындарының жиналысына қатысқан әйел кейін өзінің суреті шамамен 1,5 мың адам бар екі WhatsApp чатында жарияланғанын анықтаған.
Іс Астана қаласының ауданаралық азаматтық істер жөніндегі сотынан аумақтан тыс соттылық тәртібімен Жамбыл облысының Шу аудандық сотына жіберілген. Сот отырысы онлайн форматта өтті.
"Сот мессенджердегі скриншоттарды электрондық дәлел ретінде танып, адамның келісімінсіз оның суретін көп адам қатысатын чатта жариялау құқық бұзушылық болып табылатынын анықтады. Алайда сот чаттағы хабарламаларды өшіру туралы талапты қанағаттандырмады. Себебі белгілі бір уақыт өткеннен кейін хабарламаларды барлық қатысушылардың құрылғысынан техникалық тұрғыда өшіру мүмкін емес", – делінген хабарламада.
Нәтижесінде екі көршіден талапкердің пайдасына моральдық зиянды өтеу ретінде 20 мың теңгеден өндірілді.
Ал үшінші жауапкерге қойылған талап оның іске қатыстылығы дәлелденбегендіктен қанағаттандырылмады.
Жамбыл облыстық соты бірінші сатыдағы соттың шешімін қолдады.
Еске салсақ, осыған дейін Шымкентте әйел көршілердің WhatsApp чатында өзін балағаттағандарды сотқа беріп, ақша өндіріп алғанын жазғанбыз.
"Оңай" картасының ресейлік "Золотая корона" жүйесімен қандай байланысы бар: Алматы әкімдігі түсініктеме берді
"Оңайға" қатысты бірден екі мәселе туындады
Бөтен тойға кіріп, тамақтанып кеткен: Шақыртусыз қонақтар қазақстандықтардың ашуына тиді
Шақырусыз адамдардың тек тойға емес, қаралы асқа да келетінін айтқандар болды