Астанада қаруланған полицейлер қаладан шыққан көліктерді тексеріп жатыр
Астанадан шығаберістегі бақылау-өткізу қосындарында ІІМ қаруланған қызметкерлері жеңіл және жүк автокөліктерін, автобустарды тексеріп, жүргізушілер мен жолаушылардың құжаттарын салыстырып қарап жатыр.
Фото: Еркен Салихов
Бұл туралы Sputnik Қазақстан хабарлады.
Әрбір көлікті қарауға үш минутқа дейін уақыт кетуде, салдарынан қаладан шығу қиындады, автокөлік кептелісі пайда болды.
Астанадағы уақытша ұстау абақтысынан қашып кеткен Ерасыл Арғымбаев екі күннен бері іздестірілуде.
36 жастағы Қарағанды облысы Нұра ауданы Киевка елді мекенінің тұрғыны 25 ақпан күні ғимараттың бір қабатты корпусына жапсарлас орналасқан серуендеу алаңынан қашып кеткен. Бұған дейін ол тонау және ұрлық жасағаны үшін сотталған.
Тағы оқыңыз:
Мәскеу облысында мәйіті табылған 3 қазақстандық туралы жаңа деректер шықты
ОҚО-да ауыл имамы уағыз арқылы терроризмді насихаттап келген
Ауыл әкімі соққыға жыққан баланың анасы мән-жайды түсіндіріп берді
Астанада дәрігерлердің салғырттығынан жүкті әйел қайтыс болды