Apple MacBook пен iPad бағасын көтеріп жіберді

Apple компаниясы MacBook пен iPad құрылғыларының бағасын қымбаттатты. Бағаның өсуіне жад чиптері мен дерек сақтау құрылғылары құнының артуы себеп болған. Әзірге өзгеріс iPhone, Apple Watch және AirPods бағасына әсер еткен жоқ. Бұл туралы Stan.kz ақпарат агенттігі хабарлайды.

Apple компаниясы MacBook пен iPad құрылғыларының бағасын көтерді. Компания мұны жад чиптері мен дерек сақтау құрылғылары құнының қымбаттауымен түсіндірді.

Жаңа бағаларға сәйкес, MacBook Neo 599 доллардан 699 долларға (338 183 теңге), 13 дюймдік MacBook Air 1099 доллардан 1299 долларға (628 070 теңге), ал 14 дюймдік MacBook Pro 1699 доллардан 1999 долларға (967 137 теңге) қымбаттады. 16 дюймдік MacBook Pro енді 2999 доллардан (1 450 947 теңге) басталады.

Оқыңыз

"iPhone ұтып алдыңыз”: Қазақстандықтарға жаңа алаяқтық схема туралы ескертілді Оқыңыз

Сондай-ақ 11 дюймдік iPad Pro бағасы 999 доллардан 1199 долларға (580 889 теңге), 13 дюймдік iPad Pro 1299 доллардан 1499 долларға (726 032 теңге) өсті.

Базалық iPad енді 449 доллар (217 431 теңге) тұрса, iPad mini бағасы 599 долларға (289 802 теңге) жетті. Ал iMac үстелдік компьютері 1499 доллардан (726 032 теңге) сатылатын болды.

Әзірге баға өсімі iPhone, Apple Watch және AirPods құрылғыларына әсер еткен жоқ. Дегенмен, компания алдағы уақытта басқа өнімдердің бағасын да қайта қарауы мүмкін екенін мәлімдеді.

Еске салайық, бұған дейін Қостанай қаласының тұрғыны Kcell арқылы сатып алған iPhone 15 Pro телефонының ақауына байланысты шағым түсірген еді. Тұтынушылардың құқықтарын қорғау департаменті компанияға құрылғыны ауыстыру немесе ақшасын қайтару туралы нұсқама бергенімен, сот Kcell бұл талапты толық орындамаған деп таныды. Соның нәтижесінде компанияға 500 АЕК (2 162 500 теңге) көлемінде айыппұл салынды.