Алматыдағы неке сарайы әкімдіктің балансына қайтарылады
Алматыдағы "Жас Отау" неке сарайын жеке компанияға сенімгерлік басқаруға берілген. Алайда жөндеу жұмыстары уақытылы аяқталмағандықтан нысан мемелекет балансына қайтарылды. Бұл туралы Stan.kz ақпарат агенттігі 24.kz арнасына сілтеме жасап хабарлайды.
Алматы әкімдігінің мәліметінше, ғимарат 2024 жылы сенімгерлік басқаруға берілген. Бірақ осы уақытқа дейін жөндеу жұмыстары басталмаған. Келісімшарт бойынша басқарушы компания жергілікті архитектуралық ескерткішті қалпына келтіруге 1 миллиард теңгеден астам қаражат салуы тиіс еді. Алайда бұрынғы АХАЖ ғимаратының ішінде құрылыс материалдары мен қоқыс үйіліп жатыр.
ОқыңызАлматы қаласының мемлекеттік активтер басқармасы келісімшартты бұзбақ. Одан кейін қайта жаңғырту жұмыстары жергілікті бюджет есебінен жүргізілмек. Жұмыстың нақты қашан басталатыны әзірге белгісіз.
”Келісімшартта көрсетілген міндеттемелерді белгіленген мерзімде орындамағандықтан, сенімгерлік басқару шарты бұзылу рәсімі жүргізіліп жатыр. Кейін бұл нысан Алматы қаласының коммуналдық меншігінде қалады және қала әкімдігі нормативтік мерзімдерге сәйкес жобалау және құрылыс жұмыстарына кіріседі”, – деді Алматы қаласы Мемлекеттік активтер басқармасы бөлімінің бас маманы Мақпал Ишенова.
1971 жылы ашылған “Жас отау” неке сарайы жергілікті маңызы бар сәулет және қала құрылысы ескерткіші болып саналады. Екі бір-бірімен өрілген сақина түріндегі бұл ғимарат ондаған жылдар бойы алматылықтар үшін отбасылық өмірдің басты символы.
Алайда соңғы жылдары бұл неке сарайы бос тұр. 2026 жылдың ақпанында ғимараттың қасбетінде күрделі жөндеуге дайындық жүріп жатқаны және сарайдың 2026 жылдың төртінші тоқсанында қайта ашылатыны туралы хабарландыру ілулі тұрған еді. Қазір де ғимарат тастанды нысан секілді көрінеді: терезелері сынған, қаптама плиткалары түсіп қалған, ал қасбетінде граффитилер көбейген.
Қаскелеңдегі атышулы құпия ит сою орны мен ет тасымалы: Істің 1 жылдан кейін тоқтатылғаны белгілі болды
