Алматыда демалыс күндері қоғамдық көліктердің жүруіне қашан рұқсат беріледі?
Қаланың бас санитарлық дәрігері Жандарбек Бекшин қалада демалыс күндері қоғамдық көліктердің жүруіне рұқсат берілмейтінін айтты, деп хабарлайды Stan.kz ақпарат агенттігі.
Бас санитарлық дәрігер эпидемиологиялық жағдай жақсармағанға дейін, демалыс күндері қоғамдық көліктер жүрмейтінін жеткізді. Яғни, қоғамдық көліктердің қозғалысына қала "қызыл" аймақтан шыққанан кейін рұқсат берілмек.
"Алматы "қызыл" аймақтан шыққанға дейін демалыс күндері қалада қоғамдық көліктер жүрмейді. Өйткені жағдайдың қалыпқа келуі маңызды. Осы демалыс күндері қоғамдық көліктердің жұмыс істемегені өз нәтижесін берді. Өйткені соңғы нәтижелер әлдеқайда жақсы", - дейді Бекшин.
Талқылау